Жена заврши во болница откако воз удри во автомобил
Објавено во: Македонија 14 Декември, 2019
Патнички воз удри во автомобил, a жена со повреди заврши во болница.
На железничка пруга Велес-Кочани, на патен премин кај селото Лозово, вчера напладне се случи железничка незгода во која патничкиот воз кој сообраќал на релација Скопје-Кочани удри во автомобил со скопски регистарски ознаки.
Автомобилот го управувала 30-годишната И.Б.од селото Милино, која се здобила со повреди и е пренесена во Општата болница Велес, за укажување на лекарска помош.
Увид на местото на настанот извршила екипа од СВР Штип.