Жените во Авганистан да не одат на работа - ова го наложија Талибанците
Објавено во: Свет 20 Септември, 2021
Талибанците ќе им дозволат на жените да работат само ако не можат да бидат заменети од мажите.
Oва го најави привремениот градоначалник на главниот град на Авганистан, Кабул, Хамдулах Намони. Потегот на Талибанците го прикажува нивното враќање на политиката на строго ограничување на правата на жените и нивно исклучување од јавниот живот, што ја спроведуваа и кон крајот на 90 -тите години. На девојчињата им е наложено засега да не се враќаат во средните училишта, а ученичките ќе посетуваат настава одделно од момчињата, облечени според строги правила. Жените претходно протестираа поради ускратувањето на нивните права.