Жерновски го пофали лидерот на грчката опозиција Ципрас
Објавено во: Македонија, Балкан 05 Април, 2020
Заменик министерот за надворешни работи Андреј Жерновски, во статус на Фејсбук ја пофали грчката опозиција, предводена од лидерот на СИРИЗА; Алексис Ципрас, наведувајќи:
-Првиот човек на грчката опозиција постира вакви статуси на Фб. Во нив, тој зборува за предлозите што ќе ги достави, а кои се посветени на бизнисот и економијата. Нормално, ниту збор за здравството, бидејќи знае дека треба да даде поддршка и дека не е време за лов на политички поени. Ете, за време на пандемија, вака резонира лидер на опозиција. А кај нас?
Ципрас во својот пост појаснува како ги минува деновите во изолација:
-Деновите во карантин се изгубени. Понекогаш саботната вечер би ја поминале со пријатели. Но сега без разлика кој ден е, ние работиме со нашите партнери преку видео-конференции за да ги претставиме нашите предлози за бизнисите и работивањата, кои ќе ги обелодениме во почетокот на неделава.