ЖЕШКА ТЕМА: За што телефонски разговарале Путин и Меркел?
Објавено во: Свет 09 Април, 2018
Рускиот претседател Владимир Путин, во разговор со германската канцеларка Ангела Меркел, повика на внимателност во одговорот на наводниот хемиски напад во Сирија, информираше Кремљ.
Се наведува дека двајцата лидери разговарале за наводниот напад и дека Путин предупредил на „провокации и шпекулации“ во врска со тоа.
Портпаролот на Путин, претходно изјави дека би било неодговорно да се донесуваат заклучоци пред да се спроведе истрага. Сириски опозициски активисти тврдат дека 40 луѓе настрадале во саботата во напад со хемиско оружје во Источна Гута и за нападот ја обвинија сириската влада, која е близок сојузник со Русија.
Американскиот Стејт департмент соопшти дека симптомите на жртвите од навеодниот напад со хемиско оружје на 7 април во сирискиот град Дума, се доследни на „асфиксирачките агенси„ и „нервни агенси од тој тип.
Руски експерти, кои спроведоа истрага во Дума, за каде сириските власти беа обвинети дека користеле хемиско оружје во нападот на бунтовниците, не пронајдоа никакви траги од некои хемиски супстанции, изјави денеска министерот за надворешни работи на Русија, Сергеј Лавров.