08 Април, 2020
0.0377

Горан Мауровски поставен за генерален директор на „Бетон“

Објавено во: Економија 21 Февруари, 2020

Зетот на еден од најуспешните македонски бизнисмени Минчо Јорданов, Горан Мауровски, е поставен за нов генерален директор на ДГ Бетон АД Скопје, на местото на досегашниот вршител на должноста Коста Глигориевски, кој привремено ја вршеше оваа функција откако изминатото лето Дејан Нешковиќ поднесе оставка.

34-годишниот Мауровски до сега беше директор на секторот за контрола и известувања во истата компанија. За него се знае дека е основач и сопственик на три компании во градежништвото, производство и трговијата. Од почетокот на 2016 година е назначен за член на надзорниот одбор на ФАКОМ, а лани доби покана да биде директор на секторот за контрола и известување. Еден е од основачите на Македонската асоцијација на инженери- консултанти (АЦЕМА).

Јорданов долго време официјално фигурираше како најбогатиот Македонец а во 2015 Мауровски му стана зет за помалата ќерка Наташа Јорданова. Минчо Јорданов долго време го држеше овој примат, односно тој долго време е меѓу најпознатите бизнисмени во земјава. Кариерата ја почна во деведестите во „Дуферко“, регистрирана во Лугано. Јорданов поседува акции и во градежната компанија „Бетон“ каде преку „Репро оне лимитед“ држи околу 23 отсто од капиталот. Семејството на Јорданов ја поседува и Клиничката болница „Ремедика“, една од најпознатите приватни болници во земјава. Тој во изминатата деценија впрочем стана газда и на винаријата „Стоби“, а го купи и најстариот дневен весник во земјава кој се уште го поседува, Нова Македонија.

„Бетон“ е децениски етаблирана компанија во реализацијата на градежни работи од областа на високоградбата (административни, станбени објекти), нискоградбата (патишта, мостови, тунели) и хидроградбата (брани, хидросистеми). Покрај градилиштата, компанијата располага и со производствени капацитети – погон за механизација, со голем број машини и возила, бетонска и асфалтна база.

Во рамки на многубројните објекти кои ги има изградено се вбројуваат Градски стадион Скопје, хотелот „Александар Палас“, Судската палата, автопатот Миладиновци – Штип, Автопатот Е-75, ХЕЦ „Света Петка“, но и други истакнати градби во градското јадро на Скопје.

Инаку, „Бетон“ АД Скопје го доби тендерот од Агенцијата за државни патишта за рехабилитација на државниот пат А2 од Куманово до Страцин, за втората фаза. Тендрот вреди над седум милиони евра. „Бетон“ АД Скопје е победник и на јавниот оглас на Дирекцијата за технолошки индустриски развојни зони. Компанијата за 1,7 милиони евра ќе треба да ги изведе инфраструктурните објекти, односно сообраќајната, хидортехничката, гасоводната и електротеничката инфраструктура за делови од ТИРЗ Скопје 2.

Александар Кузмановски

Можеби ќе ве интересира

Само во март без работа останале 2.000 работници, бројките за април ќе бидат подраматични

Само во март без работа останале 2.000 работници, бројките за април ќе бидат подраматични

АКО РАБОТИТЕ ВО ФАБРИКА, ЕВЕ КОИ СЕ МЕРКИТЕ - оддалеченост, дезинфекција, ако има позитивен со КОВИД-19, веднаш да се пријави

АКО РАБОТИТЕ ВО ФАБРИКА, ЕВЕ КОИ СЕ МЕРКИТЕ - оддалеченост, дезинфекција, ако има позитивен со КОВИД-19, веднаш да се пријави

Стопанска комора: Да се стави ред во продажбата на дезинфициенси

Стопанска комора: Да се стави ред во продажбата на дезинфициенси

Бектеши влезе во војна со угостителите: Не ви се точни бројките, првин платете даноци, инспекциите ќе продолжат

Бектеши влезе во војна со угостителите: Не ви се точни бројките, првин платете даноци, инспекциите ќе продолжат

Антикорупциска ќе проверува дали некој „лови во матно“ со донациите и тендерите

Антикорупциска ќе проверува дали некој „лови во матно“ со донациите и тендерите

До сега обработени бескаматни кредити од 1,26 милиони евра

До сега обработени бескаматни кредити од 1,26 милиони евра

Стопанството бара државата да почне кампања за купување домашни производи

Стопанството бара државата да почне кампања за купување домашни производи

КОЈ, КОГА И ДО КОГА ЌЕ ГО КОРИСТИ ОДМОРОТ - познати сите детали за вработените и од јавниот и од приватниот сектор

КОЈ, КОГА И ДО КОГА ЌЕ ГО КОРИСТИ ОДМОРОТ - познати сите детали за вработените и од јавниот и од приватниот сектор

Збунети граѓани не знаат дали може да испратат меѓународна пошта

Збунети граѓани не знаат дали може да испратат меѓународна пошта