Зголемените царини на Косово не чинат околу 180. 000 евра штета
Објавено во: Економија 07 Август, 2018
Шефот на кабинетот во Министерството за земјоделство Трајан Димковски денес објави дека на околу 180.000 евра или 2.000 тони нереализиран извоз, се проценува штетата од косовската одлука со која царините за овошјето и зеленчукот беа зголемени за 30 отсто
Одговарајќи на новинарски прашања, тој истакна дека штетите се пресметани врз основа на извозот реализиран лани во период од 18 до 31 јули, во време кога важеше одлуката на Владата на Косово.
„Косово ја воведе одлуката со која ги зголеми царините на 18 јули годинава, по што донесе делумно укинување, а потоа одлуката беше и целосно повлечена. Лани во овој период, од 18 до 31 јули Македонија на Косово извезла околу 2.000 тони земјоделски производи во вредност од 180.000 евра“, кажа Димковски