Златото симнато од тронот
Објавено во: Економија 23 Јануари, 2020
Цената на паладиумот го надмина златото.
Една унца паладиум сега чини повеќе од злато.
Во изминатите две недели на светскиот пазар цената на паладиумот се зголеми за 25 проценти, и сега се продава за 2.500 долари за унца. Тоа е двојно повеќе од минатата година.
Поголемиот дел од паладиумот во светот доаѓа од Русија и Јужна Африка и е извлечен како нуспроизвод при вадење други метали, обично платина и никел.
И во ноември 2019 година имаше период кога паладиумот стана поскап од златото.
Паладиумот и платината се користат како катализатори кои ја контролираат емисијата на штетни гасови при согорување на горивата.
Во мај лани, паладиумот имаше цена исто колку и златото.