„Жолтите елеци“ поврзани со Русија?
Објавено во: Свет 17 Декември, 2018
Русија ги отфрли обвинувањата за поврзаност со „Жолтите елеци“ во Франција.
Рускиот министер за економија, Максим Орешкин денеска ги отфрли обвинувањата за вмешаност на Москва во протестното движење „Жолти елеци“ во Париз.
Министерот потоа додаде дека всушност тука и нема што да се коментира, пренесе руската новинска агенција „ТАСС“.
Нагласи дека такви настани не се одвиваат само во Франција, туку нивните корени лежат во поларизацијата на општеството што трае со децении.
„Не е тоа нешто што се појавило сега, се работи за проблем што расте низ годините“, вели Орешкин.
Отстранувањето на блокадите поставени на кружните текови и патиштата од страна на „жолтите елеци“ ќе продолжи, изјави францускиот министер за внатрешни работи, Кристоф Кастанер. Од почетокот на движењето има осум загинати.Премиерот на Франција, Едуар Филип призна дека Владата не ги слушала доволно Французите и дека погрешила во управувањето на кризата со поради демонстрациите на дрвижењето ,,Жолти елеци”.
Демонстрантите бараат нови мерки во корист на француските работници и пензионери, а бараат и оставка од претседателот Емануел Макрон и од највисоките функционери во неговата влада. И покрај ладното време демонстрантите велат дека нема да се повлечат, а се најавуваат и блокади на бензиските пумпи.