Зошто би била потребна и третата доза на вакцина против корона вирусот: Вирусологот Јовановиќ наведува две причини

Добивај вести на Viber

По вчерашната потврда од страна на Кина дека нивните вакцини имаат помала ефикасност во однос на останатите, експертите наведоа дека највцеројатно ќе биде потребна и трета доза за целосно создавање на имунолошки одговор против Ковид-19.

Вирусологот Тања Јовановиќ вели дека третата доза на вакцина против коронавирус се споменува во два различни контексти, односно дека има две насоки.

Првата е во насока на соочување со појава на нови варијанти на вирусот.

- Вирусот мутира и полека ги менува оние структури кои се многу важни за неутрализирање на вирусот со имунитетот предизвикан од вакцината. Во таа смисла, постои помала ефикасност на вакцините против овие нови видови. Она што доминира кај нас е британскиот вид и се покажа дека сите вакцини што се достапни во Србија се целосно ефикасни ,рече д-р Јовановиќ.

- Сепак, се појавува и варијанта во Јужна Африка, ние сега ја имаме бразилската варијанта и тие акумулираат уште поголем број на мутации. Се покажа дека овие антитела и клеточниот имунитет создаден од самата вакцина може да бидат помалку ефикасни. Затоа истражувачите се подготвени да ја направат третата доза на вакцината за нови варијанти на вирусот - објаснува Јовановиќ.

Втората причина, според д-р. Јовановиќ е немање доволно антитела по две дози вакцини, па третата доза би се примала доколку не се создаде имунитет по примени две дози на вакцината.

Таа додаде дека секоја платформа за производство на вакцини е различна и дека го стимулира имунолошкиот одговор на различен начин.