ЗОШТО САМО 15 ОЗДРАВЕНИ ОД КОВИД - претходните денови имаше многу повќе

Добивај вести на Viber

Денеска Министерството за здравство јави за само 15 оздравени пациенти од коронавирусот. Институтот за јавно здравје регистрира 15 оздравени пациенти, и тоа од: Велес-2, Битола-6, Демир Хисар-1, Македонски Брод-1, Кичево-3, Ресен-2. 

Од Скопје ниту еден пациент денеска не оздравел одд КОВИД-19.

Се поставува прашањето зошто денеска има само 15-мина оздравени.

Дали причината е што е викенд, па не биле направени вторите негативни тестови, кои е неопходно да се негативни, за да се констатира дека пациентот е оздравен. 

Пред неколку дена имаше над 500 оздравени пациенти, но од МЗ тогаш појаснија дека тогаш стигнале резултатите од неколку центри.

Министерството за здравство информира дека во последните 24 часа се направени 1.828 тестирања, а регистрирани се 200 нови случаи на ковид-19 во: Скопје-65, Куманово-14, Дебар-6, Штип-21, Прилеп-3, Тетово-12, Струга-5, Велес-12, Битола-7, Охрид-4, Кавадарци-7, Гостивар-14, Струмица-1, Крива Паланка-1, Радовиш-4, Кочани-5, Пробиштип-3, Демир Хисар-2, Македонски Брод-4, Свети Николе-3, Кичево-6, Неготино-1.

Големата бројка на новозаболени денеск а и во претходните денови се смета дека е последица на Илинденските празници, кои минатата недела го наполнија Охрид со домашни гости, но и забавите без почитуање на здравстените протоколи.

Денис Јанкуловски од ЦЈЗ напиша дека го боли бројот на 523 починати од стартот на епидемијата досега, а до кои можеби н емало да дојде, доколку се почитувале мерките на заштита. 

Починати се 4 лица, пациент од Скопје (70г.), пациент од Гостивар (58г.), пациент од Куманово (51г.) и пациент од Македонски Брод (66г.). Два пациенти се починати во болнички услови, два се починати вонболнички.

Вкупната бројка на ковид дијагностицирани во нашата земја од почетокот на епидемијата изнесува 11754,  бројката на оздравени пациенти е 7622, на починати е 523, а во моментов бројот на активни случаи во земјата изнесува 3609.