Зошто семејството на убиениот новинар Кашоги замина во Вашингтон?
Објавено во: Свет 26 Октомври, 2018
Синот на новинарoт Кашоги кој беше искасапен избега во САД.
Од Саудиска Арабија заминаа во Вашингтон.
Салах Кашоги и неговото семејство заминаа во САД веднаш откако им се укина забраната за патување. Бегството се случува само неколку дена откако саудиското кралство семејство го прими Салах за да му изрази
сочувство за смртта на неговиот татко. Претходно Саудсика Арабија се обиде да го прикрие
грозоморното убиство на Џамал Кашоги во конзулатот во Истанбул. Официјалните власти на почеток отфрлија каква била поврзаност со убиството,
но под притисок на турските власти кои открија докази, го сменија својот став. Тие излегоа со изјава дека Кашоги го убиле во тепачка во
конзулатот.
Убиството го осуди јавноста, а веќе беа и воведени и санкции односно забрана
за продажба на оружје на Саудиска Арабија.
Делови од телото на новинарот беа најдени кај конзулатот.
Анкара прифати да се формира заедничка работна група со Саудиска Арабија, со цел да се утврдат околностите на исчезнувањето на новинарот.
Kашоги, новинарот кој работеше за „Вашингтон пост“ и беше критичар на Ријад, се води како исчезнат откако на 2 октомври влезе во Конзулатот на Саудиска Арабија во Истанбул за да земе некои документи.
Си-ен-ен објави дека саудискиот државен обвинител призна дека новинарот Џамал Кашоги бил убиен со предумисла, односно дека убиството било однапред планирано.