ZTE опасно тоне по американските санкции
Објавено во: Економија 23 Април, 2018
Кинеската телекомуникациска компанија ZTE опасно тоне откако Департментот за трговија на САД наложи доста тешки санкции со кои им се забранува соработка и продажба со американските компании.
Кинезите се доведоа во голема неволја поради нарушен трговски договор при што наводно ZTE извезувал телекомуникациска опрема во Иран што е строго забрането и подложно на санкции.
Сега следи и одговор од страна на кинеските инвеститори во финансиските фондови кои донесоа одлука драстично да ги намалат своите позиции во хартии од вредност на ZTE, па така нивните портфолија се намалени или корегирани и до 30% од претходниот обем на акции во ZTE.
Исто така на најголемите кинески берзи стопирање е тргувањето со акции на ZTE се додека не се расчисти состојбата бидејќи компанијата ќе има можност седумгодишната забрана за трговија да ја корегира доколку достави дополнителни докази пред Департмантот за трговија на САД.
Од ZTE бараат трпение од инвеститорската јавност иако се свесни дека казните кои ги добија од САД се закана за нивното опстојување како фирма.