Фото: Вози право, вози здраво, ама и многу нервозно
Објавено во: Македонија 17 Септември, 2016
Акцијата Вози право, вози здраво е втора по ред на Стопанска банка со цел да ја зголеми свеста за сообраќајната култура за велосипедистите и сите учесници кои користат алтернативен начин на превоз со ролери, скејтови и тротинети, но очигледно скопјани немаат големо трпение.
Возачите во Скопје пак уште еднаш покажаа дека се крајно нетрпеливи и при најмало поместување на сообраќајниот режим, па нервозно реагираа на блокираните улици, иако ревијалната трка на велосипеди која ја организира „Стопанска банка“ беше однапред најавена со цел да се зголеми свеста во сообраќајот. Како и да е, се покажува дека вакви манифестации се добредојдени.
Исто така претходно беше најавено и дека на улиците „Јуриј Гагарин“, „Франклин Рузвелт“ и Булеварот „Илинденска“ ќе биде воведен привремен сообраќаен режим, но тоа не придонесе за избегнување на гужвите во централното градско подрачје, па има огромна колона на возила на булеварите околу плоштадот Македонија и сообраќајниците кои водат кон Градски парк каде треба да проаѓа турата на велосипедисти.