БРЕГЗИТ ВИНОВЕН: Секој четврти го сели бизнисот од Британија

Добивај вести на Viber

Секој четврти извршен директор во Велика Британија планира да го премести управувањето на компанијата надвор од Островот. 

Тоа го покажува истражувањето на KPMG меѓу 100 бизнис лидери. Причината за овие расположенија е резултатот од референдумот во Велика Британија, на кој луѓето одлучија земјата да ја напушти Европската унија. 

Над 70% од испитаниците сметаат дека Brexit нема да влијае на финансиските резултати на нивни компании, ниту економијата на Велика Британија како целина.

„Извршните директори реагираат на несигурноста планирајќи ја вонредната ситуација“, коментира пред Bloomberg директорот на британската единица на KPMG Симон Колинс. 

„Повеќе од половина од анкетираните менаџери сметаат дека можностите за водење бизнис во земјата ќе бидат погодени од оваа одлука и поради оваа причина за многу од нив е важно да се осигуруваат против овие тешкотии“, додава тој.

Истражувањето покажува дека премиерот Тереза ​​Меј треба да заврши многу работа за да се задржи бизнисот  и соодветно работните места. 

Менаџерите се на мислење дека Велика Британија треба да бара договор со Европската унија, што ќе ја ограничи имиграцијата во земјата, но и да се задржат блиските трговски врски со другите 27 земји во Унијата. 

Пред референдумот тогашниот министер за финансии Џорџ Озборн изјави дека Brexit би уништил најмногу малку 820 илјади работни места.

„Политичарите навистина треба да се загрижени од изливот на британскиот бизнис надвор од границите на земјата“, коментира Колинс. Тој, сепак, смета дека плановите за напуштање на границите може и да не се остварат ако владата посвети посериозно внимание на проблемите предизвикани од гласањето.