Цаноски за Фактор 24: Ќе го тужи Никола Груевски поради уривањето на Космос
Објавено во: Македонија 30 Март, 2017
Бизнисменот Сефер Цаноски за магазинот Фактор 24 изјави дека ќе го тужат лидерот на ВМРО-ДПМНЕ, Никола Груевски поради уривањето на комплексот Космос затоа што им направил непроценлива штета.
На прашањето дали кај Груевски постои политика на одмаздништво, кој не е со него е против него, Цаноски вели дека тоа постои.
„Кај тој човек постои. Факт е дека го почувствуваме не само ние, туку и многумина во оваа држава. Тој човек има одмазднички вредности во него би рекол. Посебно оние коишто биле со него, а на некој начин го напуштиле, се разединиле, тие би рекол добиваат дупла доза одмаздништво. Причините си ги знае тој самиот, меѓутоа јас едно знам, дека оној што е прав ако го казните, тоа се враќа како бумеранг. Оној што згрешил и добие казна вистинска, тогаш на некој начин се искупува за целата грешка. Меѓутоа ние во случајов, во нашава Македонија во којашто живееме, сметаме дека овој народ, овие институции можат да придонесат за демократски развој на оваа држава, демократски просперитет и токму поттикнати од тој демократски дух, ние имавме право да бидеме или да не бидеме со некого, односно мојот татко Фијат одлучил да биде со една коалиција наместо со друга имајќи в предвид дека беше пратеник и претседател на своја партија“ - рече Цаноски.
Цаноски за Фактор 24 вели дека тоа е демократско право на секој еден политичар или граѓанин на Македонија.
Фактор 24 е економско политички магазин во изработка на веб порталот Фактор.мк.