Две години по „Диво Насеље“: И денес нема одговор што точно се случи во Куманово?
Објавено во: Македонија 09 Мај, 2017
Деветти мај. За некој сосема обичен ден, за некој ден кога го загуби најмилото. И Македонија загуби осум полицајци.
Ако денес поминете во Кумановската Дива населба веројатно нема да забележите дека токму таму пред две години имаше жесток дожд од куршуми.
Изрешетаните куќи во кои се криеше дел од вооружената група од Косово го враќаат стариот изглед.
Тмурното мирно утро на улиците во Дива населба носат само една порака, порака за мир и никогаш повеќе да не се повтори.
Но, и по две години случајот нема разрешница: Што се случи во Куманово на деветти мај? Кој ги уби осумте полициски припадници?
Прашање кое најблиските на загинатите ги мачи и стега во душа .
До ден ден нема точна информација како се случи се...
Да се потсетиме...
На денешен ден во населбата Тоде Мендол, или Диво насеље, се случи вооружен судир помеѓу вооружена група и македонската полиција. Судирот траеше два дена а епилог од истиот беа, осум загинати припадници на македонските безбедноси сили а 37 беа ранети, додека од друга страна 10 членови на вооружената група беа убиени, од кои 9 беа косовски државјани. Граѓаните беа исплашени и изненадени, а 15-тина куќи беа уништени.По неколкумесечата истрага Јавното обвинителство за гонење на организираниот криминал и корупција во ноември минатата година поднесе обвиненија против 29 лица. Од друга страна, сите 29 обвинети за случувањата во Куманово изјавија дека не се чувствуваат виновни. Според одбраната, случајот треба да се достави до специјалниот обвинител, "бидејќи мотивот, како што велат, не е тероризам, а обвинетите се жртви на некое друго сценарио".
По петчасовното сослушување, обвинетите ги отфрлија обвиненијата за "тероризам" и "организација во терористичка група" На 25.02.2016 со сослушувањето на неколку сведоци предложени од обвинителството во кривичниот суд Скопје 1 продолжи судскиот процес за случувањата во Диво Насеље. Некои сведоци се земени на сослушување од страна на јавниот обвинител. Според изјавите на адвокатите на дел од обвинетите намерата на обвинителство со овие сведоци, била да докаже дека настанот на 9 мај предизвикал чувство на страв и несигурност кај луѓето кои биле во близина на конфликтот.
Судскиот процес е сè уште во тек, јавноста бара разрешница а граѓаните-НИКОГАШ ПОВОТОРНО.