25 Септември, 2016
1.5412
    ALK 5385.56    0.39%     FERS 41116    0.83%     GRNT 527.84    1.95%     JUGO 825    -2.94%     KMB 2405.19    1.07%     LOTO 127    35.11%     MPT 23985.4    1.2%     MTUR 3417.37    -0.67%     OHB 3250    0%     PPIV 30466.67    -0.11%     RZLE 11    0%     RZLV 16    0%     SBT 1250    0%     STB 530    -0.93%     TNB 7500    0%     TPLF 831.95    3.22%

ИНТЕРВЈУ Стив Шарп: ќе вложиме 500 милиони долари во Иловица, вадењето злато е голем проект!

Објавено во: Економија 21 Март, 2013

Стив Шарп, Претседател и главен извршен директор на Еуромакс, во интервју за Фактор вели дека неговата компанија планира во изградбата на рудникот за бакар и злато во с. Иловица вкупно да  бидат инвестирани околу 500 милиони долари. Годинава ќе бидат вложени околу 5 милиони долари . Рудникот за бакар и злато треба да биде готов во 2017 година.

Фактор: Изградбата на рудникот за бакар и злато би требало да заврши до 2017 година. На што конкретно ќе работите годинава?

Шарп: Нашиот фокус во 2013 година е дополнително да ги дефинираме опсегот на проектот и економската исплатливост, кои се веќе покажани во нашата Прелиминарна економска проценка за Иловица, која беше објавена во октомври минатата година. Би требало да ја опишеме Иловица преку пред-физибилити студија до средината на оваа година и да го надградиме ресурсот.

Наскоро ќе ги објавиме резултатите од програмата за дупчење на компанијата за 2012 година и резултатите ќе бидат искористени за надградба на минералната суровина и потенцијални нови минерални резерви.

Овие надградени минерални ресурси ќе бидат вклучени во пред-физибилити студијата за Иловица. Штом ќе ја завршиме пред-физибилити студија, ќе започнеме со подготовка на Финалната физибилити студија и техничката документација потребна за добивање дозвола за градба. Ова ќе бара 18 месеци инженеринг, истражување и дизајн, понатамошно дупчење, оценка на аспекти за животната средина преку целосни сезонски варијации и детални извештаи. Фактор Како ќе се реализира инвестицијата до 2017 година? Шарп: Цениме дека за споменатите студии се потребни околу 30 милиони долари. Почнувајќи од 2015 - 2017 година, ќе потрошиме речиси 500 милиони долари за градење на рудникот. Фактор: Колкав е износот на инвестицијата за оваа година? Шарп: Инвестициите годинава ќе изнесуваат приближно 5 милиони долари. Фактор: Како ја оценувате бизнис климата во Македонија? Шарп: Видовме дека Македонија е многу динамична и прогресивна земја за работење. Видовме дека поддршката од Владата е првокласна и дека процесот на издавање дозволи е транспарентен и дека овозможи значаен ангажман од сите засегнати страни. Уште повеќе, Владата беше навистина подготвена да одговори на плановите на Euromax за развојот на проектот Иловица и дека е подготвена да ги олесни странските инвестиции во земјата преку проекти како нашиот. Фактор: Минатата година се смени Законот за минерални суровини. Што значат овие промени за вашата компанија? Шарп: Законот беше надграден за да овозможи спојување на две сродни лиценци. Ова не е од суштинско значење за нашата работа, но овозможува флексибилност за да се спојат лиценцата за експлоатација и лиценцата за истражување во иднина. Исто така, промената која овозможува 4 години инженеринг, а потоа и 3 години за изградба на проектот, одразува реално разбирање за сложеноста на процесот на градење модерен рудник. Фактор: Освен во Македонија, вие сте присутни и во Бугарија и Србија. Дали можете да направите споредба и да ни дадете пример што е поинакво во Македонија? Шарп: Трун (Бугарија) е систем за инцидентно пронаоѓање златна жила, додека KMC (Србија) е систем за силикатна јаловина и порфир. Euromax има тимови во земјите посветени на развојот на овие потенцијали во процес на разработка. Во смисла на развојниот план на компанијата, Иловица е најнапредниот и најзначајниот проект. Фактор: Каков вид технологија ќе се употреби во новиот рудник? Шарп: Вадењето руда ќе биде од отворена јама; обработката на рудата е предвидена да се одвива со користење на едноставен метод на флотација; складирањето на отпадот ќе ги вклучи најдобрите достапни технологии, како што е јаловиште со таложење, што е постабилно и овозможува пообемно рециклирање на водата во споредба со традиционалните техники. Фактор Дали сметате дека во Македонија има доволно компетентен персонал за реализација на еден ваков проект? Шарп: Да, многу вештини се сродни со други индустрии, како вадење камен и градежништво. Дополнително, високиот стандард на образование ќе обезбеди соодветни стажанти. Фактор: Што ќе значи овој проект за локалната заедница? Шарп: Инвестицијата е од големо значење за локалната заедница. Имено 78 проценти од вкупниот надоместок ќе бидат инвестирани директно во локалната заедница. Ќе имаме обука за нови вештини, кои можат да се употребат во други индустрии.Исто така локалното население ќе има предимство во можностите за вработување.

Фактор: Што е со животната средина, дали ќе превземете мерки за нејзина заштита со оглед на проектот што го спроведувате?

Шарп: Компанијата ќе спроведе стратегија за употреба на светски стандарди за заштита на здравјето, безбедноста и животната средина.Ќе ги употребиме само најдобрите техники во рударството и обработката на минералите. Euromax е посветен на рехабилитација на сите области кои се засегнати со проектот во претходната шумска состојба. Ќе работиме во согласност со ЕУ директивите.

Ќе назначиме исклучиво меѓународно признати консултанти за животна средина и ќе работиме според највисоките здравствени и безбедносни стандарди. Сите возможни влијанија ќе бидат правилно управувани и ублажени.

Можеби ќе ве интересира

Француски тур-оператори ќе летаат од Охрид, посакува ТАВ

Француски тур-оператори ќе летаат од Охрид, посакува ТАВ

НАЈПОСЕТУВАНИ ГРАДОВИ ВО 2016: Каде туристите трошат најмногу пари?

НАЈПОСЕТУВАНИ ГРАДОВИ ВО 2016: Каде туристите трошат најмногу пари?

Пријавување и плаќање на сезонски работници со дневни купони или ваучери

Пријавување и плаќање на сезонски работници со дневни купони или ваучери

Кои претпријатија генерираат суфицит, а кои дефицит во размената на стоки?

Кои претпријатија генерираат суфицит, а кои дефицит во размената на стоки?

Авиони на Ербас и Боинг ќе летаат за Иран

Авиони на Ербас и Боинг ќе летаат за Иран

Отишла во Шведска и таму останала заради работа

Отишла во Шведска и таму останала заради работа

Кој купува акции на „Скопски пазар“?

Кој купува акции на „Скопски пазар“?

ОТВАРАЈТЕ ОЧИ ПРИ РАБОТА ВО СТРАНСТВО: По берба на јагоди наместо 1200 евра плата, добиле едвај по 900 евра

ОТВАРАЈТЕ ОЧИ ПРИ РАБОТА ВО СТРАНСТВО: По берба на јагоди наместо 1200 евра плата, добиле едвај по 900 евра

Колку капитални инвестиции се планирале, а колку се рeализирале изминатите години?

Колку капитални инвестиции се планирале, а колку се рeализирале изминатите години?