ФАКТОР НА ДЕНОТ: Излеани реки, поплавени патишта, ниви, куќи во Македонија
Објавено во: Македонија 17 Јуни, 2023
ПОПЛАВИ ВО МАКЕДОНИЈА
Како што информираат од Центарот за управување со кризи(ЦУК), реката Вардар се излеа во Општина Јегуновце.
ЦУК известува дека пртседателот на месна заедница од село Раотинце во Општина Јегуновце пријавил, на единствениот број за итни ситуации 112 во ЦУК, излевање на Вардар, при што покрај ниви, поплавени се и куќи од селото.АВТОБУС ОД МАКЕДОНИЈА СПРЕЧЕН ДА ПОМИНЕ ПО МОСТОТ КОЈ СЕ УРНА ВО СРБИЈА
Македонски автобус во последен момент е запрен пред да се урне мостот на Морава во Србија. За 20 минути можеле да завршат трагично.
Сообраќајната полиција спречила автобус со македонски регистарски таблички полн со патници, кој и покрај одлуката да се запре сообраќајот преку тој мост, се обиде да премине на другата страна, објавија српските медиуми.
ИМА ЗАИНТЕРЕСИРАНИ ЗА КУПУВАЊЕ НА КЛИНИКАТА ЖАН МИТРЕВ
Од Клиниката Жан Митрев за Фактор велат дека има заинтересирани за купување на удел.
Долги години за оваа клиника се заинтересирани странски компании. Потврдија дека преговорите се во тек, но засега нема ништо конкретно.
„Преговори има последните неколку години со голем број заинтересирани страни. Кога ќе има и ако има конкретен договор со некој од нив први ќе бидеме да ја информираме јавноста“, велат од Жан Митрев за Фактор.ПЕТ ГОДИНИ ОД ДОГОВОРОТ ОД ПРЕСПА
Пет години потоа, сведочиме искрено македонско-грчко пријателство, вели екс премиерот Зоран Заев за потпишувањето на Преспанскиот договор,
Вели дека Договорот од Преспа ни донесе и надеж, и горчина, и стремеж, и сомнеж.
НА КОСОВО НИКАКО ДА СЕ СМИРИ СОСТОЈБАТА
Уапсен е косовски Србин. Косовската полиција денеска го уапсила Далибор Спасиќ, медицински техничар од Косовска Митровица, додека се враќал од централна Србија со својата малолетна ќерка и сопругата.
фото Фејсбук/Митко Јанчев