ФОТО+ВИДЕО: Насилни протести во Атина, Грците лути поради посетата на Обама
Објавено во: Балкан 15 Ноември, 2016
Насилни протести имаше денеска во Грција.
Судири избија меѓу полицијата и демонстрантите во Атина против посетата на американскиот претседател Барак Обама. Според дел од грчките медиуми, на протест излегле околу 3.000 луѓе. Тие се собрале пред американската амбасада, иако полицијата претходно тоа го забрани.
Демонстрантите, поддржувачи на левичарските партии и студентите се обидоа да го пробијат полициските огради.
Грчките власти поставија дополнително пет илјади полицајци за дводневната посета на американскиот претседател.
Кај левичарите во Грција постои антиамериканска традиција затоа што се лути на Америка за грчката воена диктатура од 1967 до 1974 година.