Германија дозволи медицинска употреба на марихуаната
Објавено во: Свет 19 Јануари, 2017
Германија ја легализираше марихуаната за медицински цели. Долниот дом на германскиот парламент, Бундестагот, усвои денеска закон со кој ќе им овозможи на лекарите да препишуваат канабис, пренесоа светските агенции.
Според нормативниот чин, кој беше одобрен едногласно, пациентите кои страдаат од тешка болест, ќе можат да добиваат марихуана за лекување на симптоми како хронична болка, губење на апетит и проблеми предизвикани од хемотерапија.
Законот ќе стапи на сила во март. Тој бара трошоците за дрогата да се покриваат по линија на здравственото осигурување. Германскиот министер за здравство го поздрави новиот закон.
Употребата на канабис за рекреативни цели останува нелегална.
Во моментов, пациентите треба да добијат посебна дозвола за да употребуваат марихуана за медицински цели.