Издадена европска потерница за Карлес Пуџдемон

Добивај вести на Viber

Шпанскиот Врховен суд поплaднево на барање на Јавното обвинителство, издаде „европска потерница“ за апсење на разрешениот претседател на регионалната Влада на Каталонија, Карлес Пуџдемон, oбјави весникот „Вангардија“.

Засега нема официјална потврда од Судот за ваквата информација.

Обвинителството денеска побара да биде издадена меѓународна потерница по Пуџдемон, откако тој не се појави на закажаното сослушување пред Врховниот суд.

Претходно, претседателот на Врховниот суд на Шпанија, Карлос Лесмес изјави дека, ако Пуџдемон не се појави пред Судот, нормалната процедура би била да се издаде налог за апсење

Вкупно 20 каталонски политичари - Пуџдемон, 13 министри во неговата разрешена влада и шестмина членови на регионалниот Парламент, денеска беа повикани да се јават пред суд под обвинение за бунт и антидржавни активности.

Само Пуџдемон и четворица министри, кои се наоѓаат во Белгија, не се појават пред Судот во Мадрид.

Врховниот суд им одреди притвор на осум членови на разрешената Влада, додека поранешниот министер Санти Вила, кој поднесе оставка пред едностраното прогласување независност на Каталонија, е ослободен со кауција од 50.000 евра.

Продолжението на денешното сослушување на обвинетите, на барање на нивните адвокати, Врховниот суд го закажа за 9 ноември.