Колку милиони евра плаќаме за камати на државниот долг ?
Објавено во: Економија 21 Декември, 2017
Континуирано расте износот на пари за камати што ги плаќаме за долгот на централната власт. За неполни шест години од јануари 2012 година до октомври 2017 година за камати сме платиле повеќе од половина милијарда евра!!!Значи просечно секој ден за камати на државниот долг оваа година плаќаме 401.315 евра!
Износот што го плаќаме за камати на долгот на централната влада се дуплирал за период од шест години, ова е шокантно откритие откако Министерството за финансии почна транспарентно да ги објавува податоците на својата интернет страница. Имено за првите десет месеци годинава за камати на долгот сме платиле 122 милиони евра, а за цела 2012 година сме платиле 67,2 милиони евра. Податоците се достапни на следниот линк: во „табела 4 Отплати на долг на централна влада“.
Од споредбата на податоците се поставува логичното прашање:како тоа макроекономистите не убедуваат дека состојбата е стабилнаво услови кога износот на камати по долг на централната власт е дуплиран за шест години и покажува континуирана тенденција на раст?
На 3,4 евра отплатена главница на долг сме платиле 1 евро камата!
Во периодот од 2012 година до октомври 2017 година сме вратиле главница на долг од 1,895 милијарди евра. Во истиот период сме платиле камати на долг во износ од 554,7 милиони евра. Соодносот меѓу вратена главница на долг и платена камата е помал од 3,5 наспрема 1!!! Ќе можеме ли да издржиме со вакво темпо???
Р.Ф.