29 Март, 2024
0.0261

Колку пари собраа досега идните пензионери?

Објавено во: Економија 18 Декември, 2017

Добивај вести на Viber

Во четирите фондови во кои вложуваат идните пензионери (два задолжителни и два доброволни) во десетина години работење досега се собрани 900 милиони евра односно 55,8 милијарди денари (заклучно со крајот на септември годинава). Само за споредба: само за 10 месеци годинава за исплата на сегашните пензионери се дадени вкупно 48,3 милијарди денари.

Вредноста на фондовите во кои идните пензионери чуваат пари до крајот на септември годинава достигна 900 милиони евра, покажуваат официјалните податоци што ги објавуваат друштвата кои управуваат со пензиските фондови од вториот и третиот столб: „КБ Прво пензиско друштво и НЛБ Нов пензиски фонд. Ова се средствата што ги акумулирале и ги оплодуваат двете друштво по нивно дестгодишно постоење и работење.

Кое друштво со колку средства управува?

Двете друштва „КБ Прво пензиско друштво“ и „НЛБ Нов пензиски фонд“ управуваат со по два фонда, од кои по еден е во вториот столб на задолжително приватно осигурување, а имаат уште по еден фонд во третиот столб каде е доброволно осигурувањето односно вложување за идни пензии.
„КБ Прво пензиско друштво“ до крајот на септември годинава има вкупни средства во износ од 29,12 милијарди денари во фондот од вториот столб, а уште 642,1 милиони денари во фондот од третиот доброволен столб. Од достапната структура на вложени средства што друштвата транспарентно ја објавуваат на нивните интернет страници се гледа дека фондот од вториот столб што го води „КБ Прво“ најмногу вложувања има во обврзници што ги гарантира Владата и нивниот износ на крајот на септември е 17,94 милијарди денари. Втора по големина ставка се вложувањата во странски фондови т.е. купување удели и тие се на ниво од 8,62 милијарди денари. Во депозити се чуваат 1,46 милијарди денари, а во домашни акции околу 11 милиони евра односно 0,69 милијарди денари. И во фондот од третиот столб доминантно е вложувањето во државни обврзници само во помали размери гледано во апсолутни бројки. Повеќе од половината од сите средства се во државни обврзници односно ,0349 милијарди денари, во удели во фондови и во акции во странство вредат 189,6 милиони денари, а во депозити се чуваат 69,8 милиони денари. 

„НЛБ Нов пензиски фонд “ управува со нешто повеќе од 26 милијарди денари во двата фонда. Во големиот т.е. во фондот од вториот столб вредноста на средствата е 25,5 милијарди денари и најголемо е учеството на државните обврзници кое изнесува 14,64 милијарди денари. Уделите во странски фондови вредат 3,44 милијарди денари, странските акции се на вредност од 3,03 милијарди денари, а во депозити се чуваат 2,79 милијарди денари. Во домашни акции фондот има 1,17 милијарди денари. Кај помалиот брат – фондот „Пензија +“ вкупната вредност е 549 милиони денари од кои речиси половина се во државни обврзници.

Големи, а мали во споредба со државниот ПИОМ

Податоците покажуваат дека овие приватните пензиски фондови иако бележат интензивен раст се уште многу мали во споредба со зафаќањата и расходите на државниот ПИОМ кој сервисира околу 300.000 пензионери. Според официјалните податоци за првите десет месеци тој фонд исплатил за пензии 48,3 милијарди денари. Значи просечно месечно 4,83 милијарди денари. Значи тоа што досега со години го собрале и наголемиле приватните фондови државниот би го потрошил да исплати пензии за една година!!!

Само за потсетување, во структурата на исплати на државниот пензиски фонд за првите десет месеци годинава, придонесите за пензии од сегашните вработени за сегашните пензионери се 28,86 милијарди денари, а од буџетот се исплатени 48,26 милијарди денари. 

Р.Ф.

Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат