„Ловецот“ Динко со нова закана за Миленко: „За една недела те апсам“

Добивај вести на Viber

„Им давам на Македонија и властите точно една недела да го уапсат нивниот државјанин Миленко Неделковски за вандалскиот чин кој го изврши! Премногу внимание веќе му обративме и тој се сили уште повеќе. Секој ден пушта нови провокаторски видеа за Бугарија“ .

Таков ултиматум им достави ловецот на мигранти Динко Валев на македонските власти пишуваат бугарските медиуми.

Конфликтот меѓу новинарот Миленко и бугарскиот ловец на мигранти Динко избувна откако Миленко со чекан ја скрши спомен плочата на загинатите бугарски воини на Кајмакчалан.

За овој чин македонските власти не презедоа никакви мерки. Аргументираат дека плочата е нелегално поставена. Неактивноста и површната реакција на бугарската влада ги разбуди со цврст став Бугарските патриоти.

Затоа и Динко од Јамбол одлучил да ги земе работите во свои раце. Познат во целиот свет како ловец на мигранти најави дека заминува за Македонија да бара сметка од новинарот со чеканот. Откако неговата позиција беше пренесена во странските медиуми, Динко не отстапил чекор назад од одлуката.

„Ако не биде уапсен за хулиганскиот настан, јас ќе го направам тоа за смеа. Во лице ќе му кажам дека е жена. Ќе го снимам сето тоа и ќе го ширам. Ако не е жена, да ми докаже. Ако посегне да ме тепа, тоа ќе е неговата најголема грешка во животот“, категоричен е Динко.

Тој се чувствува лично засегнат од подбивањата на бугарскиот споменик на Кајмакчалан и навредите против народот, кои Миленко ги искажува онлајн и денес, нарекувајќи ги Бугарите „татари“и “лузери“.

Валев веќе ја порачал плочата и ќе плати за неа од свој џеб.

„Прецизираме уште што да биде напишано, за да биде иста, дури и поубава од претходната. Лично ќе ја ставам, и тоа наскоро, бидејќи веќе се работи на неа!“

Јавно Динко Валев не си го губи времето и веќе истражил се за македонскиот противник. Тој дознал каде живее, какви два автомобили вози и кога оди на работа во македонскиот Канал 5 - понеделник, вторник и петок.

„Информацијата ја добив од човек од власта во Македонија. Дури Македонците сакаат да ми помогнат Миленко да си ги понесе последиците и немате поим колку луѓе можам да соберам, и тоа Македонци се до еден. Тие сами се поврзуваат со мене“, изјави Динко.

Самиот тој не е загрижен дека македонските власти ќе се расправаат со него и ќе го пикнат во притвор.

„Овој човек Миленко подгрева омраза меѓу две соседни земји. Тој е штетен за општеството, а јас сум опериран од страв во такви ситуации. Ако ме пикнат во притвор - ќе лежам за Бугарија! И ќе вреди! А Бугарија нема да ме остави, во тоа сум сигурен“, смета Динко.

За разлика од него неговата мајка е исплашена и растреперена од намерите на својот син. Таа плаче и го убедува Динко да не се вплеткува во слични конфликти, но на ловецот на мигранти крвта му врие.

„Додека Бугарите и Македонците се возбудија од развојот на епскиот судир меѓу двајцата мажи, Миленко веќе го објави материјалот за Динко што е вест број 1 во македонските сајтови. Тој ја обвинува Бугарија за антимакедонска политика. Приврзаниците на македонската власт се малку во споредба со поддржувачите на Динко кои се кренати во онлајн војна против Неделковски. Новинарот има доста контроверзна репутација. Тој води телевизиско шоу, но пред неколку години доста време беше клиент на македонското обвинителство. Македонската Википедија објавила за "криминалните активности" на Неделковски. Во 2002 и 2003 година бил шеф на фирма посредник за добивање на визи од САД. Во 2006 година е избран во затворот "Шутка" за 7 месеци. Обвинет е за измама на 22 лица, но подоцна казната е заменета со условна“, пишува бугарски блиц.

Во споредба со него угледот на Динко е директно завиден. Бугаринот врти сопствен бизнис и си ги плаќа редовно даноците, нема ниту едно прекршување во своето досие. Затоа пак освен од џихадисти тој веќе добива закани и од македонските фанови на Неделковски, кои го возвраќаат ударот.

Динко Валев вели дека е опериран од страв. Тој не се плаши ниту од Миленко, ниту од ордите бегалци на границата. Валев стана ѕвезда во странските медиуми, откако формира граѓански единици за лов на илегални мигранти. Тој пушти видео клип со апсење на странците. Неговите активности предизвикаа контроверзни реакции, но повеќето Бугари се со поддршка за Валев. Во меѓувреме Унгарија формира граѓански одреди точно по примерот на Динко. Волонтерите ќе се обучуваат и ќе помагаат на граничарите за совладување на приливот на бегалци. И додека унгарскиот премиер Виткор Орбан ја оцени улогата на Динко, премиерот Бојко Борисов се уште не разговарал за предлогот на Валев. Динко дури побара сам да плаќа 300 лица да ја контролираат границата и да ја чуваат од илегални мигранти. Активностите на Динко против мигрантите доведоа до закани од страна на „Исламска држава“, која најави награда за неговата глава. Во меѓувреме Динко добива и морбидни повици, во кои џихадистите ја држат неговата пресечена глава.