МАКЕДОНСКО СУДСТВО-НАРОДНА ГОЛГОТА: Паланчанец осуден на три месеци затвор оти украл 8 тегли ајвар
Објавено во: Македонија 01 Ноември, 2016 11:15
Долготрајни судски процеси, одложени постапки, укинати пресуди и повторно враќање на почетокот на голготата – години наназад проблеми со кои се соочува македонското судство.
Но, најболна точка од сето тоа е неправдата и нееднаквоста пред судот за обичните граѓани.
И додека се изнаслушавме како се местеле судски процеси, апсења, и се правеле криминали, за кои суд во државата изгледа воопшто не постои, Судот удри врз обичните граѓани за кои штедње нема.
Прост последен пример за погоренапишаното е осудата на жител од Крива Паланка за кражба на осум тегли домашен ајвар и слатко, како и за три шишиња сок.
Вест ја објави оваа сторија, а ја пренесоа поголемиот дел од медиумите, уште еднаш ги отвори небулозите на македонското судство.
За кривичното дело тешка кражба Паланчанецот Н.С. е осуден на казна затвор во траење од три месеци.
Казната е условна, тоа значи дека во следниот период паланчанецот ако направи исто или слично дело ќе мора да ја одлежи.
„Кражба си е кражба, а македонските закони и судии се ригорозни кога е во прашање правдата“, пишуваат пак провладините портали пренесувајќи ја оваа информација, но забораваат да споменат дека пред правдата сите треба да се еднакви.
Можеби ќе ве интересира
ДИСЦИПЛИНСКА ЗА ДВАЈЦА ПОЛИЦАЈЦИ: Лажно тврделе дека непрописно паркираното возило во Дебар Маало е службено
ВО БЛИЗИНА НА РЕСЕН: Meчка е ослободена откако се фатила во стапица
ФАКТОР НА ДЕНОТ: Почина Александар Карадаковски кој се лекуваше во Литванија
СИЉАНОВСКА-ДАВКОВА ОД СОФИЈА: Светот влезе во многу турбулентна фаза
„ВАШ ПРОФИТ, НАШИ ЖИВОТИ“: Викендов ќе има протести во Кочани
МАКЕДОНИЈА ПРВПАТ ДОМАЌИН НА ПАРЛАМЕНТАРНА АКТИВНОСТ НА НАТО: Ќе се обратат Мицкоски и Мисајловски
Годишни новинарски награди на ЗНМ: Храброст, истрајност и професионализам на дело
КОЧАНИ ПУШТЕНО НИЗ ВОДА: Независниот советник Крстевски бара помош
СЕ ЗАПИРА ПОСТАПКАТА ЗА КАРАДАКОВСКИ: ОЈО Кочани ќе донесе наредба
