28 Март, 2024
0.0276

На средбата Димитров-Османи-Могерини испратени охрабрувачки пораки за нашите европски перспективи

Објавено во: Македонија 14 Ноември, 2017

Добивај вести на Viber

Во рамки на посетата на Брисел министерот за надворешни работи Никола Димитров и заменик претседателот на Владата задолжен за европски прашања Бујар Османи остварија средба со еврокомесарот Јоханес Хан и заменик-претседателот на ЕК Федерика Могерини. 

На средбите беа испратени охрабрувачки пораки за нашите европски перспективи. Фокусот на разговорите беше ставен врз потребата од интензивирање на реформскиот процес и негово преточување во конкретни резултати. Притоа беше реафирмирана поддршката на тековните реформски процеси и градењето мостови на добрососедство како силни аргументи за добивање безусловна препорака како клучен предуслов за посакуваната политичка одлука за отпочнување преговори со Унијата наредната пролет. 

Како клучни моменти од суштинско значење за Македонија во претстојниот период беа подвлечени следните настани: објавувањето на Стратегијата на претседателот на ЕК Јункер за ЕУ перспективите на Западен Балкан (февруари 2018); извештајот на ЕК за напредокот (април 2018) и самитот ЕУ – Западен Балкан во Софија за време на Бугарското претседателство со Советот на ЕУ, во мај 2018г.      

“Ако веќе се натпреваруваат, земјите во регионот треба да се натпреваруваат во реформи и резултати. Позитивен натпревар за напредни општества со европска иднина. Во Стратегијата на претседателот на ЕК Јункер, треба да има место за сите. Пресвртот во Република Македонија е најдобрата приказна од регионот за 2017 година. Во комбинација со охрабрувачкиот регионален наратив и поддршката од ЕУ можеме да направиме разлика и вистински исчекор во 2018 г. Сепак, на тој пат клучни ќе бидат резултатите од реформите” - истакна МНР Димитров.

Министерот Димитров оствари средба и со заменикот генерален директор на Генералниот директорат за внатрешни работи Сајмон Мордју. На состанокот беа разменети мислења за унапредување на соработката со Фронтекс за антиципирање и подобро справување со предизвиците на нелегалната миграција. Притоа беше подвлечена важната улога на Република Македонија како партнер на ЕУ во соочувањето со овој глобален феномен и неговите безбедносни и хуманитарни импликации.

На средбата со министерот за надворешни работи на Португалија, Аугусто Сантос Силва, беше изразена поддршка на реформскиот процес дизајниран да одговори на критериумите за членство. Градењето демократија и правна држава оди рака под рака со европските интеграции.

Разговорот со министерот за надворешни работи на Велика Британија, Борис Џонсон, беше искористен за презентација на нашите аргументи зошто Република Македонија треба да стане 30та земја членка на НАТО. Министерот Димитров се заблагодари за охрабрувачката поддршка во светло на неодамна потпишанатаДекларација за партнерство и соработка. Средбата беше добра прилика за реафирмација на пријателството и партнерството меѓу двете земји, а се зборуваше и за Самитот за Западен Балкан во рамките на Берлинскиот процес што идната година ќе се одржи во Обединетото Кралство.

На средбата со министерот за надворешни работи на Грција, Никос Коѕијас, се зборуваше за натамошно унапредување на мерките за доверба и унапредување на прекуграничната соработка. На средбата стана збор и за процесот за надминување на единственото отворено прашање, за разликата околу името. Министрите разменија мислења како претстојниот период најдобро да се искористи за постигнување напредок во процесот под покровителство на ОН, кој се очекува да биде обновен во најскоро време. Соговорниците изразија заложби за водење отворен, конструктивен дијалог во добра верба, низ кој меѓусебната доверба ќе расте и во иднина.

Можеби ќе ве интересира

Европската комисија бара од Македонија да врати 2,2 милиони евра потрошени за измами од „Еразмус плус“

Европската комисија бара од Македонија да врати 2,2 милиони евра потрошени за измами од „Еразмус плус“

Андоновски: Не е проблем превработеноста, туку нефункционалноста на администрацијата

Андоновски: Не е проблем превработеноста, туку нефункционалноста на администрацијата

Со украден џип од Италија сакал да се врати во Студеничани

Со украден џип од Италија сакал да се врати во Студеничани

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ОПШТИНИТЕ ЌЕ КОНФИСКУВААТ ДИВИ ОБЈЕКТИ НА ДРЖАВНО ЗЕМЈИШТЕ“: Герасимовски најави големи промени на терен - нема рушење

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

„ДОБРО БРЕ ГОВЕДА ЕДНИ“: Миа Костова распали поради измама „Прво лепевте доктори, сега стасав и јас на ред!“

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

АКО ПОБЕДИ СДСМ БИ РАБОТЕЛ И ЗА НИВ КАКО ЕКСПЕРТ - Стојанче Ангелов кажа дека би барал плата од 5.000 евра

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?

ПРЕДИЗВИК ЗА МЛАДИТЕ РАБОТНИЦИ: Kaко да се издвојат од конкуренцијата?

„ПОСЛЕ МОЕ 30-ГОДИШНО ЧЛЕНСТВО КАЖУВАМ, СДСМ ТРЕБА ДА ЗАМИНЕ ВО ИСТОРИЈАТА“ - Весна Ангелова со искрен став за матичната партија

„ПОСЛЕ МОЕ 30-ГОДИШНО ЧЛЕНСТВО КАЖУВАМ, СДСМ ТРЕБА ДА ЗАМИНЕ ВО ИСТОРИЈАТА“ - Весна Ангелова со искрен став за матичната партија

„ОВА ЛИ СЕ ТИЕ КОИ СЕ ЗАЛАГААТ ЗА ВЛАДЕЕЊЕ НА ПРАВОТО И ЕВРОПСКИТЕ ВРЕДНОСТИ“ - професорката Најчевска со критика за Меџити

„ОВА ЛИ СЕ ТИЕ КОИ СЕ ЗАЛАГААТ ЗА ВЛАДЕЕЊЕ НА ПРАВОТО И ЕВРОПСКИТЕ ВРЕДНОСТИ“ - професорката Најчевска со критика за Меџити