Над 5 милиони евра за чистење на снегот, а тротоарите и уличките непроодни

Добивај вести на Viber

Над 5,2 милиони евра дополнително ќе бидат потрошени за ангажирање приватни фирми за справување со снегот. Сумата треба да го покрие ангажирањето на механизација, како и набавката на индустриска сол и ризла. Ова го покажуваат податоците објавени на платформата на Центарот за граѓански комуникации, пренесува ТВ 24 Вести.

Најмногу ќе чини чистењето на регионалните и магистралните патишта за што ЈП Македонија пат ќе потроши 3 милиони евра. Останатите околу 2,2 милиони евра се за чистење на улиците на Градот Скопје и општините. Според приказот на сите 57 тендери, најмногу пари ќе се одлеат за ангажирање на механизација и на работници од приватни фирми. Тоа ќе чини 3,7 милиони евра, додека за набавка на индустриска сол и ризла ќе се потрошат 1,6 милиони евра. 

Ова се дополнителни трошоци, покрај оние за редовно буџетско финансирање на работењето на државните и локалните јавни претпријатија чија основна дејност е токму одржувањето на патишта и улици 

Граѓаните не се задоволни од ангажманот на градските власти, главните улици претежно се чисти, а снегот се топи и од самиот метеж на колите, но од друга страна тротоарите и стојалиштата на автобуските станици во Скопје воопшто не се исчистени и се замрзнаи.