23 Јануари, 2018
0.5358
    ALK 7698.52    0.63%     AUMK 1700    0.06%     GRNT 830    0.73%     KMB 3135.87    -0.52%     MPT 28907    -3%     MTUR 4158    -2.16%     OKTA 3200    2.86%     RMDEN16 94.5    0.11%     RZUS 124    9.73%     STB 970    1.04%     STIL 154    1.61%     TEH 140    -6.67%     TEL 283    1.07%     TETE 2060    3%     TKVS 3106    -3%     TPLF 1798.38    -0.03%     TTK 950    -0.12%     ZPKO 2700    -0.37%

Нема отстапки од албанската платформа но, кој ќе парадира како победник?

Објавено во: Анализа 16 Февруари, 2017

За албанските партии во моментов освен ДПА која не учествува во преговорите за нова влада, најважна е албанската платформа која е заедничка на ДУИ, БЕСА и Алијанса на Албанците, но и покрај договорените барања со посредство на Еди Рама, партиите и натаму се во меѓусебен судир

Доколку сите три субјекти влезат во новата влада тогаш кој ќе ја води албанската опозиција? Токму потребата на БЕСА и Алијансата на Албанците да му контрираат на Ахмети непризнавајќи го неговиот кредибилитет и авторитет, како и постојаното критикување за погрешните политики ужасно го комплицира целиот процес на договарање со СДСМ која треба да ја предводи новата влада со Заев како мандатар.

Секако, за сите да бидат среќни и задоволни постои можност БЕСА да даде поддршка со своите пратеници за новата влада, но да не учествува во самите извршни органи и на тој начин да се дистанцира и критикува како една хибридна опозиција. 

Во овој период има премногу калкулации, секогаш се гледа и личниот или партискиот интерес бидејќи се ближат локалните избори па албанските партии ја користат секоја можна прилика и да се покажат како цврсти во однос на ВМРО-ДПМНЕ или СДСМ, да ги убедат Албанците дека токму тие им ги заштитуваат етничките права и дека без нив не може ништо да се реши во државава.

Таа игра досега најдобро ја игра ДУИ но, за нив има голем ризик ако не ги прифатат основните барања на Албанците не за етнички права туку за вистински промени со поддршка за СЈО и казнување на лошите политики со ВМРО-ДПМНЕ. 

Тоа го покажа и последната анкета објавена од Телма каде рејтингот на ДУИ се топи, а СДСМ има се поголема поддршка од албанските гласачи кои никако не сакаат да видат уште една влада предводена од Груевски во кој имаат целосно изгубено доверба, па таа порака Ахмети мора да ја разбере инаку ќе претрпи големи последици.

БЕСА секако, е во најдобра позиција бидејќи има слобода во кој правец ќе ја продолжи својата активност, дали ќе се обиде да ги преземе гласачите кои со граѓанските идеи отидоа на контото на СДСМ или пак, ќе игра на радикалната карта и ќе бара поголеми права за Албанците кои опасно се движат кон ирендетизам за да добие од потврдокорното гласачко тело кое според моја претпоставка повеќе ќе се насочува кон Зијадин Села и новата партија Алијанса на Албанците.

Кога сме веќе кај нив, Алијансата на Албанците има неколку места во Македонија каде на локалните избори може да помине добро и да освои барем една градоначалничка фотелја која ќе им овозможи да опстојат на политичката сцена сосема разбирливо со порадикални настапи и напади врз ДУИ и претходно на ДПА.

Токму поради овие комплицирани односи ќе биде многу тешко во новата влада да има две па дури и три албански партии. Се вели дека албанската платформа е „фикс“ и од неа нема отстапки, но изгледа поважно е кој политичар најдобро ќе ја искористи во своја цел наместо реално да ги исполни поставените барања. 

Таа „пукнатина“ СДСМ мора паметно да ја искористи во своја полза и да покаже пред македонскиот народ дека нема да прифаќа секакви барања и дека ќе знае каде да ги постави црвените линии кога се во прашање македонските интереси со цел да не дојде до нови конфликти. 

Автор: Христијан Станоевиќ

Можеби ќе ве интересира

Со жалење пренесени националистичките протести во Грција и прогласот на предавници

Со жалење пренесени националистичките протести во Грција и прогласот на предавници

Како Владата ќе ја оцени „петката“ на Нимиц?

Како Владата ќе ја оцени „петката“ на Нимиц?

Владата ќе ја оценува „Рамката“ на Нимиц

Владата ќе ја оценува „Рамката“ на Нимиц

Што чека ВМРО-ДПМНЕ за да се вклучи во консензус за името?

Што чека ВМРО-ДПМНЕ за да се вклучи во консензус за името?

Нимиц со терминот „Македонија“ за решението ги побесна грчките десничари

Нимиц со терминот „Македонија“ за решението ги побесна грчките десничари

ПАВЛОВСКА-ДАНЕВА: Законот за јазиците не може да се носи без опозицијата

ПАВЛОВСКА-ДАНЕВА: Законот за јазиците не може да се носи без опозицијата

Дали Мицкоски екипираше јаки кадри во новата структура на ВМРО-ДПМНЕ?

Дали Мицкоски екипираше јаки кадри во новата структура на ВМРО-ДПМНЕ?

Активно вклучување на бизнис-заедницата во Берлинскиот процес, за долгорочен развој

Активно вклучување на бизнис-заедницата во Берлинскиот процес, за долгорочен развој

ЧУПЕСКА - СТАНИШКОВСКА: Во Струмица ќе нема двојазични униформи

ЧУПЕСКА - СТАНИШКОВСКА: Во Струмица ќе нема двојазични униформи