НИМИЦ ОД АТИНА: Чекањето нема смисла тука, нема смисла кај северниот сосед
Објавено во: Балкан 30 Јануари, 2018 14:32
Mедијаторот Метју Нимиц по средбата со шефот на грчката дипломатија, Никос Коѕиас во грчкото МНР изјави дека постои моментум, и дека е време за носење одлуки.
Со Коѕиас разговарале за идеите кои Нимиц ги достави пред две седмици, ги слушнал позициите на Владата и вели дека постои волја и кај двете страни за постигнување договор.
Нимиц вели дека грчката Влада е искрена и активна во решавањето на проблемот, а средбата според него била конструктивна.
„Чекањето нема смисла тука, нема смисла кај северниот сосед, генерално нема смисла. Разговараме за ова прашање 25 години, сите знаат кои се прашањата. Време е за носење одлуки и мислам дека сме тука“- изјави Нимиц.
Тој не спомна кои се предлозите за името и не сакаше да коментира на оваа тема.
„Никогаш не давам конечни идеи, јас сум посредник, а не судија. Од моја страна давам идеи за кои сметам дека се најдобри во моментов“- рече Нимиц.
Нимиц утре доаѓа во Скопје на дводневни разговори со македонскиот државен врв.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
