Ново задолжување - Владата ќе позајми пари од домашните кредитори
Објавено во: Економија 08 Ноември, 2016
Државата денеска планира да се задолжи кај домашните кредитори, банки и осигурителни компании.
Ќе биде позајмена сума од 12, 1 милион евра. Се работи за две аукции на државни записи и една на државни обврзници. Позајмените пари ќе ги враќа за шест месеци и една година, односно за две години кога ќе треба да се вратат парите од обврзницата.
За неделава нема најавено раздолжување.
Според последните податоци на Министерството за финансии јавниот долг достигна 4,7 милијарди евра или 50,6 % од БДП што е рекордно измерено ниво на јавен долг.
Експерите во изминатиот период предупредуваа дека растот на задолженоста станува алармантен.