ПАРИ ФРЛЕНИ ВО МАГЛА: Палмите се исушија, сега ќе ја красат депонијата
Објавено во: Економија 25 Април, 2017
Илјадници евра завршија во ѓубре.
Егзотичните палми кои требаше да ги красат скопските паркови сега ќе ја красат депонијата.
Над половина милион евра пари колку што чинеа палмите за одржување бадијала се потрошени, а на местото на палмите сега ќе никнат јавори.
Така барем тврди директорот на ЈП „Паркови и зеленило“ Душан Авировиќ кој се правда дека и покрај тоа што имало неколку преживеани, градот одлучил да се извадат сите палми.
Авировиќ уверува дека сите јавори тој лично ги обезбедил од донација од фирма која бил долгогодишен соработник на претпријатието.
Граѓаните уште на самиот почеток кога беа посадени палмите, реагираа дека тие нема да издржат на македонската клима, а сега револтот откако се уништија истите е уште поголем.