Политичката криза и бетонирата цена причина за се помалку купување на станови
Објавено во: Економија 13 Април, 2017
Политичката неизвесност се почуствува и врз продажбата на станови.
Последните податоци од Агенцијата за катастар на недвижности покажуваат дека во првото тримесечие годинава продажбата на станови регистрирала голем пад.
Причина за некупувањето на станови е и бетонираната цена која не бележи промени во последните неколку години.
Директорот на Агенцијата вели дека купувачите не сакаат да ги купуваат становите по актуелната цена и затоа паднала и продажбата, додека има и доста голема понуда.
„Моментално на пазарот има над 12 000 станови кои се нудат за продажба, доколку се направи споредба помеѓу изградените и оние кои што се градат“, вели директорот Славче Трпески.
Податоците од агенцијата велат дека најбарани се становите во скопски Аеродром, додека најмалку, или ниту еден стан не се продадени во Чаир и Тетово.