ПОВЕЌЕ ОД 1000 ЗЕМЈОТРЕСИ ВО 19 ДЕНА: Претпладнево нов посилен земјотрес во Охрид
Објавено во: Македонија 06 Јули, 2017
На подрачјето на охридското тло сеизмолзите не престануваат да детектираат земјотреси, а претпладнево е регистриран нов потрес со јачина од четири степени според Рихтер.
Земјотресот е регистриран во 11.12 часот со епицентар 7 км од Охрид и 1 км од Косел на длабочина од 1 километар.
Охридското сеизмолошко подрачје, кое го зафаќа охридско-преспанскиот регион, во текот на изминатите денови доживеал серија земјотреси, од кои најсилниот 5.1 степен по Рихтер, регистриран пред три дена.
Во изминатите 19 дена на тоа подрачје се регистрирани повеќе од 1000 земјотреси.
Центарот за управување со кризи и Институтот за земјотресно инженерство ги повикале граѓаните на смиреност, а Министерството за одбрана и Сојузот на извидници ги отворија своите кампови за сместување на граѓаните и туристи под отворено небо.