„Рециклираме и се маскираме“- прв Еко маскенбал

Добивај вести на Viber

Tрговскиот центар „Рамстор“ заедно со „Пакомак“, по повод 1-ви април организираат  Еко маскенбал кој ќе биде натпревар наменет за градинките и основните училишта. Темата на првиот маскембал од ваков тип е Рециклираме и се маскираме“, а задача на младите креативци ќе биде да изработат маски од материјали кои се рециклираат и истите да бидат едукативни, забавни и инвентивни. „За нас 1-ви Април е еден од најубавите празници, затоа што тогаш децата се највесели и најпрепуштени на нивната бескрајна креативност, градските улици се исполнети со колоритни и инвентивни маски, па сакавме таа живост да ја пренесеме и во нашиот трговски центар. А создавањето на еко концептот за изработка на маските беше врз основа на нашите постојани заложби, и преку детското катче „Сезнајковци“ и воопшто како компанија, односно поттикнување на младите на рационално размислување за животната околина во која живеат и поддржување на креативното размислување преку кое децата ќе испратат едукативни пораки“, изјави Елида Трајковска, координатор на проектот во Рамстор мол центарот. Учесниците во натрепварот можат да се пријават најдоцна до 31 март, до 18 часот на пултот поставен на главниот влез во трговскиот центар „Рамстор“. За избор на најдобра и најкреативна екомаска ќе се погрижи жири комисијата составена од претставник од Рамстор, Пакомак и ликовен педагог.