СДСМ ќе воведува прогресивен данок и ќе ги помага домашните бизниси
Објавено во: Економија 05 Октомври, 2015 21:07
„Визијата за Македонија” е новиот проект на СДСМ, кој денеска го промовираше лидерот на партијата Зоран Заев. Овој проект ќе биде промовиран и низ останатите градови, каде ќе се одржуваат јавни трибини на кои граѓаните ќе можат да ги искажат своите ставови и идеи.
„Платите на граѓаните обезбедуваат пристоен живот, пензиите обезбедуваат достоинствена старост. Даноците се помали за сиромашните граѓани, а повисоки за најбогатите. Социјалната помош ги извлекува корисниците од сиромаштија. Државата помага развој на домашните претпријатија - тие отвараат нови работни места....” – ова се дел од мерките што Заев денеска ги презентираше.
Проектот се базира на пет столба и секој од нив детално ја опфаќа областа за која се однесува.
Првиот столб обезбедува одговорна власт и контрола на власта. Вториот обезбедува праведна распределба на доходот и извлекување од сиромаштија, а третиот развој на домашните капацитети и пристојна работа. Четвртиот столб треба да обезбеди европска иднина и квалитетен живот. Петтиот столб обезбедува едно општество за сите, односно да нема поделби по етничка основа.
„Вакво општество е можно, тоа е општество кое се потпира на средната класа, која ќе биде двигател и бранител на сите економски и демократски процеси во државата” –рече Заев.
Можеби ќе ве интересира
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
Еве како изгледаат владини станови за млади луѓе од 21 квадратен метар во Холандија: Чинат 45.000 евра
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
