Шилегов: ВМРО-ДПМНЕ го претставува нацистичкиот слуга Михајлов како херој

Добивај вести на Viber

Петре Шилегов, портпаролот на СДСМ денеска пред Музејот на македонската борба за државност и самостојност сподели дека и покрај потрошените 17 милиони евра, пари на граѓаните, во него воопшто ги нема клучните датуми и ликови од македонската борба за државност и самостојност!

- Воопшто не се спомнува 11 октомври, кој вчера го славевме како ден на народното востание и борбата против фашизмот. Ги нема првоборците од 1941, првите партизански одреди, клучните битки во НОБ, во кои партизаните и партизанките се изборија за македонската држава. Од музејот се избришани создавањето на македонска народноослободителна војска, Февруарскиот поход, првите органи на народната власт, изјави денеска Шилегов.

Шилегов смета дека ова не е зграда на Музеј на македонската борба за државност и дека во неа антифашистите се претставени како крвници, а фашистите и нивните соработници како жртви на комунизмот.

- Во оваа зграда нацистичкиот слуга Ванчо Михајлов е претставен како херој, а се негираат вистинските херои од НОБ пожртвувано се бореа и се изборија за слобода и држава со име Македонија, смета Шилегов.

Потпаролот на СДСМ вети дека во името на сите комити, партизани и политичари кои се бореле, се избориле и ја изградиле македонската држава, во името на правдата, во името на вистинската историја на Македонија, по 11 декември ќе го ослободат партискиот музеј на Груевски од лажните херои и од лажната историја.