Три земји бараат Русија да го намали насилството во Сирија
Објавено во: Свет 30 Септември, 2016
Воздушните напади на Русија и Сирија над Алепо се „варварски“, заклучиле претседателот на САД Барак Обама и германската канцеларка Ангела Меркел во телефонски разговор во четвртокот.
Сириската влада и Русија „носат одговорност за прекин на борбите во Сирија“, се согласиле двајцата лидери.
Меркел зборувала по телефон и со турскиот претседател Реџеп Таип Ердоган.
Тие постигнале согласност дека Русија носи посебна одговорност за намалување на насилството во Сирија. Малку порано канцеларката му се јавила на рускиот претседател Владимир Путин за украинскиот и сирискиот конфликт.
Во меѓувреме, државниот секретар на САД Џон Кери разговарал по телефон со рускиот колега Сергеј Лавров за „кревкоста“ на примирјето во Сирија.
Пред тоа Кери изјави дека САД се на прагот да ги прекинат преговорите со Русија. Москва ги предупреди Русите во странство да избегнуваат јавни места на 30 септември, бидејќи голем број на организации подготвуваат таканаречен Светски ден на гневот против ударите во Алепо.