18 Февруари, 2018
1.1573
    ALK 7998.4    -0.03%     GRNT 820    0.49%     KMB 3323.14    -0.67%     MKSD 239    19.5%     MPT 29500    0%     MTUR 4199    -0.02%     OHB 5050    0%     OKTA 3700    2.78%     RMDEN16 94.8    0%     RZLV 53    -1.05%     RZUS 134    -0.56%     SBT 2101    -1.82%     STB 940.57    0.06%     STIL 144.97    -0.02%     TEL 300    1.35%     TETE 2170    2.79%     TPLF 1627.92    4.65%

Ветувања, подлажувања, остварувања

Објавено во: Колумни 05 Октомври, 2017

Повеќе пари за граѓаните, можности за сите-за живот во Македонија; Секогаш работа, секогаш Македонија-почнува новата ера; Резултати, а не приказни-ти избираш; Слогани не еден, туку илјада и еден, во знакот на ритамот и римата,  симболични, метафорични,алегорични. Вклучите ли телевизор, пуштите ли радио, отворите ли некој портал, се вклучите ли на социјална мрежа, па и кога пешачите или возите ги гледате на билборди,нив секаде ги има-слоганите и до нив гордо исправени кандидатите. Веќе се плашите и фрижидер да отворите бидејќи може и од таму да ви извикне некој слоган па да ви попречи во дегустација на храната. Шегата на страна, но навистина е пренагласена целата кампања со слогани, при што навистина треба да имате добар желудник за сето тоа да го сварите, а уште потрагично е и што најмалите и најмилите, децата во предучилишните установи, орно ги говорат слоганите, горделиви, што запомниле нешто што нивните родители катадневно го повторуваат.

Колку може човекот да биде зол и да пласира лаги

Месецов се е во знакот на политичките кампањи, и октомври, кој обично е месец на зимници, месец на ставање туршија, правење ајвар и други домаќински работи, се претвори во месец кога се друго се заборави, а фокусот исклучиво остана во знакот на политичката битка. А политичката арена наликува на гладијаторска, и да не знаеш што се по вокација кандидатите за градски татковци или советници, слободно можеш да заклучиш, посебно по говорот на некои, дека се неуки и невоспитани и дека крајната цел им е да го навредат и омаловажат противникот. Следејќи ги кампањите добивате впечаток дека „р’вањето“ меѓу себе е поинтензивно и позначајно, отколку функцијата за која претендираат. Слушате, гледате и се запрашувате - колку може човекот да биде зол и да пласира лаги, невистини и погрдни зборови за својот политички противник, од една страна, и колку самите кандидати веруваат и се во согласност со слоганите кои наизуст ги кажуваат и континуирано повторуваат-веруваат во нив, се лажат самите себе си или едно говорат а сосема друго мислат?

Како слушате нова кампања, сфаќате дека не се достигнало дното, туку се копа уште подолу

Одговорите на горе споменатите прашања не се ни малку лесни и едноставни, туку повеќе димензионални и комплицирани. Најпрво, се запрашувате за злобата и лошотилокот на човекот и се чудите на нискоста до која може да се дојде, но како слушате нова кампања, сфаќате дека не се достигнало дното, туку се копа уште подолу. Не е ни чудно, бидејќи доволно е само да се присетите на дел од прислушуваните разговори и ќе ви стане јасно дека кај некои личности лошотилокот и негативизмот, желбата за освета и одмазда е толку голема, што го забораваат и минимумот човечкото во себе, а потребата да се нанесе зло на другиот и тоа да ви предизвика кај вас позитивна емоција е нешто што е надвор од нормалното и правилното.  За среќа паметот добро не служи се уште и се присетувате како некои политичари се соблазнуваа на несреќата на други, кои тие ја предизвикале и смеејќи се со посебна страст и сласт уживаа во болката на другиот. Е тоа е навистина за чудење и за друг надзор, не социолошки, повеќе психолошки, бидејќи знаејќи за нивните лоши намери и желби за одмазда сега ставаат слоган за нова ера. Секој добронамерник ќе се запраша, која нова ера и каква нова ера, нова ера за нови зулуми, нова ера за нови угнетувања, нова ера за нови малверзации, нова ера за ново уништување и на она малку автономно што остана на Универзитетите, нова ера за нови здравствени проблеми...Ма дајте ве молам, немаме кратко паметење, срамно и страшно е кога ја навредувате интелегенцијата на сопствениот народ, сепак немаме колективна амнезија и доволно помниме.  А за другите, ќе ги паметиме и нивните слогани и со ширум отворени очи ќе гледаме да навистина дојде животот во општините, бидејќи ако не е така, критиката од јавноста ќе биде уште поголема и посурова.

Проф. Д - р Татјана Стојаноска Иванова

Институт за социологија

Филозофски факултет - Скопје


Можеби ќе ве интересира

Да ги потсетиме функционерите што е тоа морална одговорност

Да ги потсетиме функционерите што е тоа морална одговорност

ПАЗАРНОСТ НА ЗЕМЈОДЕЛСТВОТО

ПАЗАРНОСТ НА ЗЕМЈОДЕЛСТВОТО

Бездушни неморални личности

Бездушни неморални личности

Каде згрешивме, дали направивме генерации кои чекаат некој друг да им улови риба, наместо тие самите

Каде згрешивме, дали направивме генерации кои чекаат некој друг да им улови риба, наместо тие самите

СОЦИЈАЛЕН КАПИТАЛ ВО ЗЕМЈОДЕЛСТВОТО

СОЦИЈАЛЕН КАПИТАЛ ВО ЗЕМЈОДЕЛСТВОТО

Русија и Стратегијата на ЕУ за Балканот – нема „со нас или против нас“!

Русија и Стратегијата на ЕУ за Балканот – нема „со нас или против нас“!