(ВИДЕО) Бутарис нашата земја ја нарече Македонија?
Објавено во: Македонија 16 Ноември, 2017
Градоначалникот на Солун, Јанис Бутарис, денеска додека даваше изјава по средбата со премиерот Зоран Заев, ја нарече нашата земја Македонија.
„Се надевам и ќе го предложам тоа, следната средба на двајцата премиери, на Грција и на Македонија, да се случи во Солун“ – рече Бутарис.
Делот од изјавата погледнете го од видеото (подесено да започне на 8:30 од видеото).
Инаку Бутарис во 2013 година беше критикуван во Грција затоа што кажал дека во нашата земја се зборува македонски.
Истата година градоначалникот во Скопје одржа прес-конференција пред банер на кој пишуваше „Стопанската комора на Македонија“. Од Златна зора поради ова го нарекоа предавник.