ВМРО-ДПМНЕ: СЈО ги храни лажните вести на СДС

Добивај вести на Viber

ВМРО-ДПМНЕ успеа со едно партиско соопштение да ги нападне политичките ривали СДСМ, медиумите кои критички известуваат и секако Специјалното јавно обвинителство кое го води Катица Јанева.

- СЈО уште еднаш се докажа како крајно непрофесионална, необјективна и партизирана институција. Ова се потврдува со манипулативното лиферување документи околу наводните истраги кои ги спроведуваат Јанева и колегите.

Основната цел на Катица Јанева не е правдата, туку слугување на пропагандата на СДС. Дури и бруцош на правниот факултет знае дека во апсурдните обвиненија на Јанева не постојат докази за било каков криминал, а истрагите кои ги отвора се срам за било кој обвинител во светот.

Основната цел на Катица Јанева била и останува обезбедување на приказни за медиумите под контрола на СДС за оцрнување на ВМРО-ДПМНЕ кое треба да помогне во дефокусирање на јавноста од ветувањата што ги даваше Заев во предизборниот период.

Но, Јанева е прочитана книга. Без оглед на приказните со кои СЈО ги храни лажните вести на СДС, граѓаните од Заев и новата влада очекуваат нови 500 километри автопат, просечна плата од 30.000, а минимална од 16.000 денари, додека пак докторите очекуваат плати од 100.000 денари.

СДС ќе мора да се соочи со реалноста. А таа вели дека ВМРО-ДПМНЕ на првата владина седница донесе одлука за отпис на долгови на граѓани. СДС на првата владина седница одлучува да урива градби и да укинува започнати проекти и реформи. Граѓаните ја гледаат разликата, а истата ќе ја види и СДС на првите наредни избори“ се вели во соопштението на ВМРО-ДПМНЕ.