Заев: СДСМ цврсто ќе стои на црвените линии - Нема промена на име, устав и идентитет

Добивај вести на Viber

Зоран Заев беше „осамен“ во ТВ дебатата на Топ Тема бидејќи од дуелот се откажа екс премиерот Никола Груевски. Токму затоа Заев сам одговараше на предвидените прашања за внатрешната политика, економијата и надворешните односи. Заев посочи дека СДСМ ако формира влада ќе ги задржи црвените линии од кои нема отстапување, а истите биле посочени и одржувани и низ изминатите години.

„Треба да биде јасно и постојано да се потенцира. СДСМ ќе ги одржува црвените линии за Република Македонија и тоа значи дека нема промена на уставното име, идентитетот и самиот Устав. За разлика од досегашната власт, која преговараше за 'Горна', за 'Долна' Македонија, лицитираше со Македонија... ние ќе одиме со транспарентен процес. За вакви прашања мора да има референдум. Дури и за помали прашања во едно демократско општество мора да има референдум. Ќе има референдум и политичарите мора да го кажат својот став пред граѓаните пред референдумот, ова е навистина пресериозно прашање. Никој не може во Македонија, мислам дека се нема ни родено таков човек што би дозволил промена на Уставот и промена на нашиот идентитет“, рече Заев.