Зошто Владата на Словенија ја запре приватизацијата на НЛБ банка?
Објавено во: Економија 09 Јуни, 2017
Словенечката влада го разгледа прашањето за приватизација на Нова Љубљанска банка (NLB), со оцена дека цената која во овој момент би може да се постигне од потенцијалните инвеститори не е задоволувачка.
Тоа практично значи дека се запира постапката за продажба на три четвртини од државниот дел во најголемата банка во Словенија.
„Владата на денешната седница донесе заклучок дека не е согласна со минималната цена на акции на НЛБ во висина од 55 евра и распон на цената од 55 до 71 евро за акција“, наведено е во соопштението пренесуваат агенциите.
Освен цената според толкувањето на словенечката влада, потенцијална препрека за приватизација претставува нерешеното прашање на таканаречено пренесените стари девизни заштеди на НЛБ во Хрватска, поради што против НЛБ пред хрватските судови течат тужби кои ги поднеле Загребачка банка и Економската банка на Загреб.
Тие по овластување на хрватската влада ја тужат Љубљанска банка за поврат на средства кои на хрватските штедачи на НЛБ им ги исплатиле хрватските банки бидејќи се до пресудата на Европскиот суд за човекови права прашањето на стари заштеди не го сметале за билатерален проблем и долг, говорејќи дека тоа е работа на сукцесивни преговори.
Контроверзна тема
Словенечките медиуми најавуваат дека словенечката влада во преговорите со ЕК сега ќе се обиде да ги продолже роковите за приватизација на НЛБ и условите за нејзината продажба. За продажбата на домашните банки во Словенија постојат многу негативни мислења во политиката и меѓу некои водечки банкари, а приватизацијата на државен имот и инаку е контроверзна тема, секогаш во фокус на политиката и полемиката.
Според договорот кој со Европската комисија неодамна го постигнала словенечката министерка за финансии Матеја Врнчар Ерман, 50 посто од акциите на НЛБ би требало да се продадат до крајот на оваа година, а до крајот на следната уште 25 посто, што значи дека во државна сопственост би останле само 25 посто акции.
Министерката по одлуката на владата дека постапката ќе ги запре новинарите рекла дека за таа одлука најпрво треба да се извести Европската комисија, а потоа со неа да се обидат да ги проучат можните „алтернативни мерки“.