Автобус од Македонија полн со патници спречен да помине по мостот кој се урна во Србија
Објавено во: Македонија 17 Јуни, 2023
Македонски автобус во последен момент е запрен пред да се урне мостот на Морава во Србија. За 20 минути можеле да завршат трагично.
Сообраќајната полиција спречила автобус со македонски регистарски таблички полн со патници, кој и покрај одлуката да се запре сообраќајот преку тој мост, се обиде да премине на другата страна, објавија српските медиуми.
„Не се знае што ги навело Македонците до тој пат, можно е да следеле лоши навигациски карти, кои одамна не се ажурирани, но доколку автобусот се појавел на и онака небезбедниот мост во моментот кога неговите столбови биле силно еродиран од поројот – тоа би било огромна трагедија“, пишуваат српските медиуми.
Мостот на Западна Морава рано утринава е целосно уништен поради обилните врнежи што го зафатија Чачак и околината.Поплави има во Србија, но и во Македонија.
Во Србија поради поплавите прогласена е вонредна состојба во 52 града и општини, а за 24 часа се евакуирани 217 луѓе.