Блондинката ќе му се „спротистави“ на Путин
Објавено во: Свет 19 Октомври, 2017
Активистката за женски прави Ксенија Собчак ќе се кандидира за претседател на Руската Федерација и најверојатно ќе му се спротистави на неприкосновениот лидер Владимир Путин, но уште сега руската опозиција ја прогласи за мамка на Кремлин.
Ксенија е ќерка на Алексеј Собчак, првиот избран градоначалник на Санкт Петербург кој во 90-тите години му беше шеф на тогаш младиот и анонимен Путин. Интересно е што Путин остана лојален на Алексеј кога избија обвинувањата за корупција во градската администрација поради манипулации со набавката на храна кога се распадна Советскиот сојуз.
Токму лојалноста на Путин му овозможи да стане заменик на Борис Елцин и евентуално да стане руски премиер бидејќи тогаш руската политичка елита имаше потреба од таков кадар кој ќе работи со нив. Секако, малкумина предвидоа дека агентот на КГБ ќе направи огромен политички пресврт, ќе започне војна во Чеченија и ќе ја зацврсти својата власт со философијата за Силна Русија.
Сега, Ксенија е личноста која треба да го порази Путин, потег на кој малкумина опозиционери во Русија веруваат, особено што нивниот вистински лидер Навални го очекува издржување на затворска казна за протестите. Ксенија е инаку селебрити личност, таа водеше свое телевизиско шоу каде го стекна прекарот Блондинка, често се појавува на насловните страни на модните списанија и никогаш јавно не проговорила против Владимир Путин.
Семејната поврзаност на Ксенија Собчак и Владимир Путин создава многу теории на заговор но, младата реалити ѕвезда ветува дека ќе има силна кампања посветена на реформи на Кремлин, еднаквост меѓу мажите и жените и промоција на либерални политики.