Џафери: Дел од СДСМ не гласаше за Законот за јазици
Објавено во: Македонија 07 Март, 2018
Вчера пропадна уште еден обид да се продолжи процедурата на носење на Законот за употреба на јазиците кој не беше изгласан. Собранискиот спикер Талат Џафери открива дека токму пратеници на СДСМ од парламентарното мнозинство не дале своја поддршка за законот и немало доволно гласови за да продолжи постапката.
Џафери е подготвен да закаже уште една седница на која директно ќе се гласа за донесување на Законот за употреба на јазиците без притоа да се прифати разгледување на 35 илјади амандмани кои опозицијата ги поднесе. Според него ВМРО-ДПМНЕ ќе има право на процедурална забелешка, но Собранието не смее да биде заложник за никого.
Што се однесува до стабилноста на коалицијата меѓу СДСМ и ДУИ, Џафери вели дека нема простор за загриженост, односно дека Законот за употреба на јазиците ќе биде конечно донесен ќе се соберат доволно гласови и дека тоа што е градено долг период ќе се оствари без оглед на сегашните пречки.
Затоа коалицијата СДСМ-ДУИ се уште не е загрозена и ќе продолжат сите процеси кои парламентарното мнозинство ги има во Собранието, а од кои зависи и функционирањето и поддршката за самата Влада на премиерот Заев.
Можеби ќе ве интересира
Им се расипал автомобилот на Осоговски планини, па барале помош
Ореовец ќе се радикализира од понеделник против минирањето на „Бехтел и Енка“
Уапсениот судија Наќе Георгиев се жали дека е наместен со понудениот поткуп
Весна Јаневска и актерот Љутков кандидати за министри во новата влада
Владиката Петар: Се виде дека барањата на Цариград не се канонски, туку политички
Мицкоски: Заклетвата на претседателката ги крена сите на нозе, а нашето чекање никој не го коментира
Непозната миризба ги затвори хируршките сали во „Мајка Тереза“
