Џафери на средба со екс претседателите на Собрание: Бојкот на Вељановски, Климовски и Георгиевски!
Објавено во: Македонија 16 Мај, 2017
Собранискиот спикер Талат Џафери ги собрал на средба поранешните претседатели на Собранието, дознава Фактор. Средбата била во текот на вчерашниот ден на барање на Џафери. Иако биле поканети сите поранешни претседатели на Собрание без исклучок, сепак на поканата се одзвале само дел. Според нашите сознанија на средбата присуствувале Стојан Андов, Тито Петковски и Никола Поповски. Иако, поканети биле и Љубиша Геогриевски, Саво Климовски и Трајко Вељановски сепак тие не присуствувале на оваа средба.
Поранешниот спикер Саво Климовски, кој беше претседател на Собранието во период од 1998 до 2000 година, потврди дека не присуствувал на средбата со Џафери.
„ Во петокот ја добив поканата. Но ги информирав службите во Собрание дека имам неодложни обврски поради кои не можев да присуствувам и се извинив, вели Климовски за Фактор.
Покана имало и за Љубиша Георгиевски, кој беше претседател на Собранието во период од 2006 до 2008 година. Георгиевски за Фактор потврди дека имал покана, но не отишол на средбата.
„Така сакав“ - одговара Љубиша Георгиевски на прашањето од кои причини не присуствувал на средбата со Џафери.
Ниту доскорешниот претседател на Собранието, Трајко Вељаноски кој на оваа позиција беше од 2008 година па се досега, не бил на средбата со неговиот наследник. Со Вељаноски не успеавме да стапиме во контакт. Сепак, со оглед дека неговата матична партија ВМРО-ДПМНЕ не го признава изборот на Талат Џафери, отсуството на средбата се толкува токму во таа насока.
Во истата насока се толкува и отуството на Климовски и Георгиевски на денешната средба. Инаку, Климовски и Георгиевски, беа дел од протестите на движењето „За заедничка Македонија“, кое е одговорно за „Крвавиот четврток“ во Собранието, а Климовски неколку недели пред инцидентот во својот говор пред насобраните граѓани порача дека народот е на само 20 метри од Собранието.
На средбата во Собранието, која траела час и половина со Џафери разговарале, Стојан Андов, Тито Петковски и Никола Поповски. При тоа поранешните претседатели размениле исукуства за функционирањето на Собранието, и разговарале за работењето на оваа институција. Средбата на Талат Џафери со поранешните претседатели на Собранието е нова пракса, што досега не се применувала, но се смета за добар потег во однос на размена на искуства за работата на Собранието.
Н.Н.Можеби ќе ве интересира
ПОЧИНА ЕДЕН ОД ОМИЛЕНИТЕ ПРОФЕСОРИ НА МАКЕДОНСКИТЕ АКТЕРИ ШТО СТУДИРАЛЕ ВО СОФИЈА, АЛЕКСАНДАР ИЛИЕВ: „За сите кои бевме дојдени од странство за да студираме во Софија, се грижеше како за свои деца“
„ЗА РАЗЛИКА ОД МЕНЕ, ТИЕ ПРЕД ОЧИТЕ НА ЦЕЛА МАКЕДОНСКА ЈАВНОСТ ИЗЛЕГОА ВО АЛКОХОЛИЗИРАНА СОСТОЈБА“:Јакимовски му возврати на Муцунски заради неговиот коментар за малиот број гласови на Стевчо
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
АНДРЕЈ ПЕТРОВ:Признаваме дека ВМРО ДПМНЕ направи подобар резултат
ОСМАНИ ПОБЕДИ ВО БЕРЛИН И МИНХЕН, ПЕНДАРОВСКИ ВО ВАШИНГТОН, А ТЕСНА БИТКА СЕ ВОДЕЛА МЕЃУ СИЛЈАНОВСКА И ВАНКОВСКА ВО ЉУБЉАНА: Како гласаше македонската дијаспора?
КАКВО ВРЕМЕ ЌЕ ИМАМЕ ВО МАЈ, ЈУНИ И ЈУЛИ?: Очекуваме за степен до два повисоки температури од вообичаените, но ќе растат условите и за временски непогоди
„СДСМ КО ЕДВАЈ ДА ЧЕКАШЕ ДА ИЗГУБИ“: Колозова во нејзин стил, вели нема кој да не вади од паланкава
ФАКТОР НА ДЕНОТ: Се сумираат резултатите од изборите, Силјановска со голема разлика пред Пендаровски
ХАЈРЕДИНИ: Што ќе се случи ако Македонците се обединат?
