Ќе почне да се наплаќа влез во земјите членки на Шенген зоната
ЕУ ВОВЕДУВА ШОКАНТНА МЕРКА: Ако сакате да патувате во Европа, ќе мора да си платите!
Објавено во: Свет 15 Септември, 2016
Со воведување на идниот европски механизам за регистрирање на странски посетители (ETIAS), влез во земјите членки на Шенген зоната ќе почне да се наплаќа. Оваа мерка би требало да донесе помеѓу 500 милиони и две милијарди евра приходи годишно, наведува порталот EurActiv.fr.
Европската комисија поттикната од Германија и Франција, планира да воведе механизам на задолжително регистрирање, а тој ќе се однесува на државјани на земјите кои не се членки на ЕУ, а не им се потребни визи за влез во Шенген зоната.
Влезот би чинел 13 евра и со тоа европскиот буџет би се дополнил со повеќе од 500 милиони евра. Меѓутоа, не е сигурно дали цената на влез ќе биде 13 евра, бидејќи постои наговестување дека таа би можела да биде поголема.
Овој механизам е инспириран од американсиот систем ЕСТА. Тој патниците ги чини 14 долари и на САД и донел богат прилив, од 177,8 милиони долари во 2013 до 193,2 милиони во 2015 година, кога во земјата влегле 13,8 милиони луѓе.
Во Европа сличен систем на регистрирање би можел да донесе и повеќе пари, со оглед на тоа дека Европа е прва туристичка дестинација во светот со 609 милиони туристи колку што се забележани во 2015 од вкупно 1,2 милијарди на светско ниво според податоците на Светската туристичка организација. Според проценките на ЕК на основа на седумдневни тестови на границите на ЕУ, земјите членки на Шенген зоната примиле во 2014 година 30 милиони луѓе од зони на кои не им се потребни визи, а тој број би требало да порасне на 39 милиони во 2020 година.
Целта на проектот ЕТИАС, како што наведуваат неговите заговорници, е да ја зајакне безбедноста на ЕУ, иако неименувани британски извори тврдат дека финансискиот аспект е важен, бидејќи овој проект би можел да стане нов извор на приходи за ЕУ.
Следното прашање кое се поставува е дали Британците ќе мора да плаќаат влез во Шенген зоната доколку отстапат од единствениот пазар. Комисијата сепак одлучила Британија да не ја опфати со овој проект кој би требало да биде поставен во ноември, наведува порталот EurActiv.fr.
Можеби ќе ве интересира
ОГАН ГО ГОЛТНА СИМБОЛОТ НА КОПЕНХАГЕН! Драма во Данска: Позната историска зграда гори, кулата се сруши (ВИДЕО)
ОВА ПРАШАЊЕ СОЗДАВА РАСКОЛ ВО ЕВРОПА: Кој е за, а кој против нуклеарната енергија?
ИЗРАЕЛ ОДЛУЧИ КАКО ДА ГО ОДВРАТИ ИРАН ОД ПОНАТАМОШНИ НАПАДИ: Началникот на Генералштабот во посета на базата Неватим
ФУТУРОЛОГ ПРЕДУПРЕДУВА: Физичките пари исчезнуваат, „новите банки“ ќе профитираат
КОЈ ПИЕ НАЈМНОГУ ВО ЕВРОПА: Изненадувачки податоци за Македонците, еве колку пијат
ЕВРОПА СЕ „ДЕЛИ“ НА ДВА ДЕЛА, И МАКЕДОНИЈА ПРЕД ГОЛЕМ ШОК: До крајот на месецов не очекува значително студено време
МОЖЕТЕ ДА ЖИВЕЕТЕ ВО ИТАЛИЈА, А ДА РАБОТИТЕ ВО МАКЕДОНИЈА ИЛИ БИЛО КАДЕ ВО СВЕТОТ: Еве кои услови треба да ги исполните и колку се чека за виза
СО ЧАСОВИ ЧЕКААТ ЗА ОБРОК: Гладот ги мачи Палестинците во Газа
ЛАВРОВ: Русија ќе ја поддржи воената акција на Иран против Израел
