Добивај вести на Viber
Екс премиерот Љубчо Георгиевски ја коментира Резолуцијата на германскиот парламент.
Тој вели дека Резолуцијата на германскиот парламент за потврдување на македонскиот идентитет, јазик и култура по својот формат, содржина и меѓународна тежина е рамна на онаа на Коминтерната од 1934.
„Вакви акти имаат донесено и Титова Југославија и Димитрова Бугарија, со помала меѓународна тежина, но со конкретна важност за македонскиот народ. За жал на илинденците не им текна тоа да го побараат од османлискиот султан иако тој ги даваше милетите и без востание и без пари. И така македонскиот народ сега е за Гинисовата книга на рекорди по ваков тип на специфични признанија на идентитетот. На пример ни самиот германски народ не може да се пофали со ваков тип на документ, а ниту Англичаните, Французите, Италијанците, а да не ги спомнувам Американците или Канаѓаните. Сега не можам да се начудам на омаловажувањето и игнорирањето на оваа Резолуција од страна на сите оние бранители на македонскиот идентитет. Одеднаш не било важно? Само 5 отсто било тоа??? Изгледа, за навистина да бидеш Македонец е 100 отсто да ги мразиш Бугарите, па макар и на сопствена штета“, пишува Георгиевски на социјалните мрежи.
Од СДСМ велат дека усвојувањето на Резолуцијата на германскиот Бундестаг е силна поддршка за членството во ЕУ и признание за македонскиот јазик, идентитет, култура и посебност. Наведуваат дека македонската јавност очекува одговори од лидерот на ВМРО-ДПМНЕ, Христијан Мицкоски зошто не направил ништо, зошто не лобирал.