Германскиот шеф на дипломатијата ја повика македонската опозиција и претседателот да соработуваат во договорот со Грција
Објавено во: Свет 13 Јуни, 2018
Германскиот министер за надворешни работи Хајко Мас ја повика опозицијата предводена од ВМРО-ДПМНЕ и претседателот на Македонија, Ѓорѓе Иванов, да соработуваат со македонската Влада во исполнувањето на договорот помеѓу Скопје и Атина за уставна промена на името во „Република Северна Македонија“.Истото барање го упати и кон грчката опозиција, која е повеќе националистички расположена и бараше од премиерот на Грција, Алексис Ципрас, воопшто да не се содржи зборот „Македонија“ во договорот.
- Сите политички сили во Скопје и во Атина да придонесат за спроведување на овој историски договор. Тојј ги јакне добрососедските односи меѓу двете земји и придонесува за стабилноста на Западен Балкан - напиша во честитката Мас.
Шефот на германската дипломатија оцени дека договорот меѓу владите во Македонија и Грција е одлична вест и повика на негово спроведување во обете земји
Одлична вест е дека двете страни најдоа решение и се согласија за името Република Северна Македонија. Сега е отстранета и клучната пречка за приближување на Македонија кон ЕУ и НАТО. 25 години спорот за името на Поранешната југословенска Република Македонија стоеше меѓу Македонците и Грците. Скопје и Атина денес напишаа историја“, вели Мас.
„Вредеше што никогаш не се откажавме од надежта, што бевме во постојана блиска размена и што двете страни и во тешки фази секогаш одново наоѓаа компромиси. Преговорите беа долги и макотрпни. Но, на крајот решителноста и визијата на двајцата премиери и нивните министри за надворешни работи доведоа до успех. На двете Влади им честитам од срце за овој историски договор!“ додава тој.
Можеби ќе ве интересира
Вооруженото крило на Хамас соопшти дека со ракети го напаѓа Тел Авив
ГОЛЕМ РУСКИ НАПАД НА УКРАИНА, ПОЛСКА ГИ ПОДИГНА НАТО АВИОНИТЕ - во Киев има ранети и евакуирани жители
КАЛЕНДАРОТ СО ОБВРСКИ НА КЕЈТ МИДЛТОН Е ПРАЗЕН ДО КРАЈОТ НА ГОДИНАТА - тоа значи само едно, а еве како ќе влијае на кралското семејство
КИНЕЗИТЕ ДНЕВНО ИСПОРАЧУВААТ 88 ТОВАРНИ АВИОНИ СО СТОКА НАРАЧАНА ОД ИНТЕРНЕТ: Ако е сега вака, како ќе биде во септември, октомври, ноември и декември?
„КАРМАТА ЌЕ ЈА СТИГНЕ КАМИЛА“: Еве што пишуваат британските медиуми за кралицата
„ЗОШТО ВООПШТО ЖИВЕЕМЕ?“ Маск предизвика земјотрес: Иднината... ќе биде поинаква
НЕ Е ГЕРМАНИЈА СРЕДЕНА БИДЕЈЌИ ЛУЃЕТО СЕ ФИНИ, ТУКУ ЗАТОА ШТО УДИРА ПО ЏЕБ: Србин купил куќа и веднаш добил огромна казна, го пријавиле соседите
Путин: Нема преговори со Зеленски, му истече мандатот
