ГОЛЕМА ТАГА: Почина Насе Насев, икона на македонското борење
Објавено во: Македонија, Спорт 02 Септември, 2023
Доајенот на македонскиот спорт и долгогодишен селектор на националниот тим во борење слободен стил Насе Насев почина денеска во Скопје по кратко боледување на 80-годишна возраст.
Роден во кочанското село Нивичани, Насев беше меѓу основоположниците на македонското борење, поранешен борач и тренер на локалниот клуб „Спартак“, а потоа и селектор на репрезентацијата во поранешна Југославија.
Насев, по осамостојувањето на земјата, беше долгогодишен македонски селектор, како и спортски директор на националниот тим во борење слободен стил за време на Игрите 2000 во Сиднеј кога Могамед Ибрагимов му го донесе на македонскиот спорт првиот олимписки медал, освојувајќи го бронзеното одличје.
Сите бројни успеси на повеќе генерации македонски борачи се поврзани со работата на Насев, за која многу пати беше наградуван од Светската боречка федерација (ФИЛА) и од Меѓународниот олимписки комитет (ИОК) како и други врвни спортски и општествени организации.
Насев беше долгогодишен инструктор на ФИЛА и директор на голем број светски семинари, а во улога на селектор и спортски директор на Македонскиот олимписки комитет (МОК) беше учесник на десет летни и зимски олимписки игри.
Во 1997 година Насев стана првиот член на Клубот на великани на МОК, а во јуни оваа година шефот на државата Стево Пендаровски го одликува со „Медал за заслуги“ за неговиот огромен придонес во афирмацијата на македонскиот спорт и држава
Можеби ќе ве интересира
ПРЕТРЕС И КАЈ ПОРАНЕШНИОТ НАРОДЕН ПРАВОБРАНИТЕЛ МЕМЕТИ: Осомничен е за поткуп
Тошковски: Од денеска демонтирање на дивиот забавен парк кај Борис Трајковски
ОДЗЕМЕН ИМУНИТЕТОТ НА СУДИЈАТА ГЕОРГИЕВ - одреден му е притвор по апсењето со примените 10 илјади евра
ВАЖНО МЕТЕО ПРЕДУПРЕДУВАЊЕ: Денес од пладневните часови на повеќе места врнежи, грмежи и засилен ветер – постои опасност од посилно невреме и поројни поплави
ТРОЈЦАТА ГОЛЕМИ СИГУРНО НЕ СЕ, НО КОЈ Е ОД ПОМАЛИТЕ, УШТЕ НЕ СЕ ЗНАЕ - има ли нов играч во хотелиерската компанија
ПЛАТАТА ЈА КРИЈАТ КАКО ЗМИЈАТА НОЗЕТЕ: Се бараат жени за чување деца во Германија, но „за повеќе инфо инбокс“
СИ ЛЕГНУВААТ СО МИСЛАТА ШТО ЌЕ ЗГОТВАТ УТРЕ ЗА ЈАДЕЊЕ: Се зголемил бројот на граѓани кои имаат потреба од помош во оброци
СУДСКИОТ СОВЕТ НА ПОЛНОЌ ЌЕ ОДЛУЧУВА ЗА ИМУНИТЕТОТ НА СУДИЈАТА: по денешното апсење за мито
„Битно е процесот да биде демократски и да се заврши се како што треба“: Јаулески од ВМРО смета дека ќе добијат уште еден пратеник
